Jamiyat

Bogʻchalardagi karantin qancha muddatgacha davom etishi aytildi

© Sputnik / Ramiz BaxtiyarovDetskiy sad
Detskiy sad - Sputnik Oʻzbekiston
Karantin vaqtida maktabgacha taʼlim muassasalarining xodimlari va pedagogika kollejlari rahbarlarining zimmasiga bir qancha vazifalar yuklatildi.

TOSHKENT, 18 mar — Sputnik. Maktabgacha taʼlim muassasalaridagi karantin choralari joriy yilning 16 mart sanasidan 31 martgacha davom etadi. Bu haqda “Koronavirus info” axborot kanalida xabar qilindi.

Maktabgacha taʼlim vaziri Agrepina Shinning taʼkidlashicha, maktabgacha taʼlim muassasalarining xodimlari 18 martdan boshlab toʻlanadigan mehnat taʼtiliga chiqadi.

Taʼtilning foydalanilmay qolgan qismi esa ularga qulay vaqtda berilishi taʼminlanadi.

Deti v modulnom detskom sadu - Sputnik Oʻzbekiston
Jamiyat
Bolalar boshlangʻich taʼlimga bepul va majburiy oʻqitiladi

Shuningdek, mutaxassislarini qayta tayyorlash va ularning malakasini oshirish institutining ushbu buyruqning 3-bandida nomlari keltirilmagan boshqa xodimlari ham 2020 yilning 18 mart kunidan 31 mart kuniga qadar navbatdagi yillik asosiy mehnat taʼtiliga chiqariladi.

Bundan tashqari, davlat maktabgacha taʼlim tashkilotlari va pedagogika kollejlari rahbarlari zimmasiga bir qancha vazifalar yuklatilmoqda.

Jumladan, tarbiyalanuvchilarning hamshiralar qaramogʻida boʻlishi va uning natijasi haqidagi kunlik maʼlumotlar tayyorlanishi, maktabgacha taʼlim boʻlimida koronavirus infektsiyasi tarqalishini oldini olish, taʼtil kunlari ota-onalar bilan muntazam ravishda aloqada boʻlish talab etiladi.

Qolaversa, tarbiyalanuvchilar va kollej talablarining ahvolidan xabar olib turilib, taʼtil kunlarida ularning jamoat joylariga bormasliklari nazoratga olinadi.

Talabalar yoki tarbiyalanuvchilar orasida koronavirus aniqlanganda, bu haqdagi tezkor maʼlumotlar hududiy boʻlinmalarda tashkil etilgan shtablar orqali Maktabgacha taʼlim vazirligi shtabiga yuboriladi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala