Jamiyat

Koronavirusdan vafot etgan kishi qay tarzda dafn etiladi - Fatvo hayʼati

© Sputnik / Iskandar AminovNa musulmanskom kladbiщe v Dushanbe.
Na musulmanskom kladbiщe v Dushanbe. - Sputnik Oʻzbekiston
Obuna boʻlish
NovostiTelegram
Janoza, dafn va taʼziya marosimlari ixcham, epidemiya hamda karantindagi talablarga jiddiy amal qilingan holda maxsus komissiya qarori bilan qatʼiy cheklangan tarkibda oʻtkaziladi.

TOSHKENT, 27 mar — Sputnik. Janoza, dafn va taʼziya marosimlari ixcham, epidemiya hamda karantindagi talablarga jiddiy amal qilingan holda maxsus komissiya qarori bilan qatʼiy cheklangan tarkibda oʻtkaziladi. Bu haqda Oʻzbekiston musulmonlari idorasi Fatvo hayʼati maʼlumot berdi. 

Bankovskiye kartы mejdunarodnыx platejnыx sistem VISA i MasterCard - Sputnik Oʻzbekiston
Jamiyat
Karantinda xodimlarga oylik maoshlari qay tartibda yetkazilmoqda?

Taʼkidlanishicha, hozirgi kunda mayyitni yuvish, kafanlash va dafn marosimlari sanitar xodimlar yordamida shariatga muvofiq, dunyo musulmon davlatlari tajribasida oʻtkazilmoqda.

Ushbu amallarni bajarishda mayyitning yaqinlari ishtirok etmaydi, yaqin qarindoshlari faqat janoza oʻqishda qatnashadi xolos. 

Ayni kunda Sogʻliqni saqlash vazirligi bilan kelishgan holda mayyitni imkon qadar karantin holatida va shariat koʻrsatmalariga muvofiq yuvish, kafanlash va dafn qilishga harakat qilinmoqda. Jarayonda Oʻzbekiston musulmonlari idorasi vakili ishtirok etadi.

"Mazkur amallar farzi kifoya maʼnosidagi ishlar boʻlib, baʼzi musulmonlar amalga oshirishsa, qolganlaridan soqit boʻladi. Demak, koronavirus kasalligi mavjud boʻlgan mayyitni dafn marosimini faqat yaqin qarindoshlari vakillari ishtirokida qilish lozimdir," – deyiladi Fatvo hayʼati maʼlumotida.

Shuninglek, dafn marosimida ishtirok etuvchilar niqoblar va qoʻlqoplardan foydalanishlari, marosimdan soʻng ham karantin talablari asosida dezinfektsiya va shaxsiy gigiyena amallarini bajarishlari lozim.

Yangiliklar lentasi
0