TOShKENT, 31 mar - Sputnik. “Koronavirus infeksiyasi maxsus davolashni talab qiladigan kasallik. Albatta bunday paytlarda tabiblar ham ko‘payib ketishi tabiiy”, – deydi Sanitariya-epidemiologiya nazorati davlat inspeksiyasi boshlig‘i Nurmat Otabekov.
Bugun AOKA huzuridagi shtabda Sanitariya-epidemiologiya nazorati davlat inspeksiyasi boshlig‘i Nurmat Otabekov ishtirokida brifing o‘tkazildi.
Unda yo‘llangan “Tabiblar koronavirusni davolay oladimi?” kabi savol yuzasidan aniq va lo‘nda javob berildi;
"Koronavirus infeksiyasi maxsus davolashni talab qiladigan kasallik. Albatta bunday paytlarda tabiblar ham ko‘payib ketishi tabiiy. Lekin, ushbu infeksiyaga chalingan bemorlar shifoxona sharoitida, yuqumli kasalliklar, virusolog, pulmonolog, reanimatolog, pediatr kabi mutaxassislar tavsiyalariga asosan davolanishi kerak. Bu tabiblar davolaydigan kasallik emas," – dedi Otabekov.
