O‘zbekiston Afg‘onistonda muzokaralar jamoasi shakllanishini olqishlaydi - TIV

© Sputnik / Ramiz BaxtiyarovZdanie MID Uzbekistana
Zdanie MID Uzbekistana - Sputnik O‘zbekiston
Obuna bo‘lish
Bayonotda qayd etilishicha, O‘zbekiston buni ichki siyosiy inqirozni tinch yo‘l bilan hal etish jarayonidagi muhim qadam deb qabul qiladi.

TOShKENT, 1 apr — Sputnik. O‘zbekiston Afg‘oniston rahbarlarining inklyuziv muzokaralar jamoasini tuzish shakllantirish to‘g‘risidagi kelishuvini olqishlaydi.

Tashqi ishlar vazirligi bayonotida qayd etilishicha, O‘zbekiston buni ichki siyosiy inqirozni tinch yo‘l bilan hal etish jarayonidagi muhim qadam deb qabul qiladi.

Bildirilishicha, ayni bosqichda o‘t ochishni va zo‘ravonlikni to‘xtatish bo‘yicha avval erishilgan kelishuvlarning bajarilishi, barcha manfaatdor tomonlar, shu jumladan “Tolibon” harakati ishtirokida umummilliy afg‘onlararo muloqotga o‘tish o‘ta muhimdir.

“O‘zbekiston Afg‘oniston xalqi bilan do‘stlik va yaxshi qo‘shnichilik munosabatlarini yanada rivojlantirish va mustahkamlash, mamlakatda barqaror va uzoq muddatli tinchlik o‘rnatish jarayonini har tomonlama qo‘llab-quvvatlash tarafdori ekanligini yana bir bor bayon qiladi”, - deyilgan xabarda.
Yangiliklar lentasi
0