TOShKENT, 2 apr — Sputnik. Oliy va o‘rta maxsus ta’lim vazirligi ijtimoiy tarmoqlarda tarqalgan talabalar o‘qishi 2-sentabrdan boshlanishi haqidagi xabarni rad etdi.
“Ijtimoiy tarmoqlarda respublikamizdagi barcha oliy ta’lim muassasalarida o‘qish 2020-yilning 2-sentabridan boshlanishi to‘g‘risidagi asossiz xabarlar tarqalmoqda. Oliy va o‘rta maxsus ta’lim vazirligi tomonidan bu mazmunda e’lon berilmaganligini rasman ma’lum qilamiz”, - deyilgan xabarda.
O‘zbekistonda koronavirus infeksiyasi tarqalishining oldini olish maqsadida talabalar 2020-yil 16-martdan ikki hafta muddatga ta’tilga chiqarilgan edi. Karantin davrida talabalarga belgilangan tartibda stipendiya to‘lab beriladi.
