Iqtisod

Banklar soliq organlarini mijozlar hisobi haqida xabardor qilib turadi

© Jeshu JohnBloknot dlya zametok
Bloknot dlya zametok - Sputnik Oʻzbekiston
DSQ banklarning jismoniy shaxslarning bank kartalariga kelib tushgan pul mablagʻlari aylanmasi 30 mln soʻmdan va tranzaktsiyalar soni 10 tadan oshgan P2P operatsiyalari toʻgʻrisida xabardor qilishini taklif qilmoqda.

TOSHKENT, 7 apr — Sputnik. Markaziy banki va tijorat banklari tomonidan bank hisobvaraqlariga oid axborotlarni Davlat soliq qoʻmitasiga elektron uzatish tartibi toʻgʻrisidagi nizom jamoatchilik muhokamasiga qoʻyildi.

Qonun loyihasida keltirilishicha, MB tomonidan DSQga mijozlarning hisobvaraqlari va ularning rekvizitlari toʻgʻrisidagi axborotlar har kuni keyingi ish kunidan kechiktirmagan holda taqdim etiladi.

Tijorat banklari tomonidan soliq organlariga quyidagilar:

  • yuridik shaxslar va yuridik shaxs maqomiga ega boʻlmagan yakka tartibdagi tadbirkorlarning hisobvaraqlari boʻyicha oʻtkazilgan pul mablagʻlari aylanmalari toʻgʻrisidagi axborotlarni DSQ soʻroviga koʻra uch ish kunida;
  • yuridik shaxslar va yuridik shaxs maqomiga ega boʻlmagan yakka tartibdagi tadbirkorlarning hisobvaraqlaridagi qoldiq mablagʻlari toʻgʻrisidagi axborotlarni DSQ soʻroviga koʻra uch ish kunida;
  • bir oy davomida jismoniy shaxslarning barcha bank kartalariga kelib tushgan pul mablagʻlari aylanmasi 30 mln soʻmdan (shu jumladan, chet el valyutasi milliy valyuta ekvilentida boʻlgan taqdirda) va tranzaktsiyalar soni 10 tadan oshgan P2P operatsiyalari toʻgʻrisidagi axborotlarni DSQ soʻroviga koʻra uch ish kunida milliy hamda chet el valyutasida;

Oʻzbekistondan tashqarida hisobvaraqlar ochgan rezident-yuridik shaxslarning hisobvaraqlari hamda ularning rekvizitlari, ulardagi qoldiq mablagʻlari va oʻtkazilgan pul mablagʻlari aylanmalari toʻgʻrisidagi axborotlarni har chorak yakuni bilan, keyingi oyning 25-sanasiga qadar taqdim etiladi.

DSQ ushbu maʼlumotlar asosida Business Intellegence asosida avtomatlashtirilgan dastur tizimi orqali soliq toʻlamaslik xavfi darajasiga koʻra soliq toʻlovchilarni segmentlaydi. Soliq toʻgʻrisidagi qonun hujjatlariga rioya etilishi ustidan DSQning tegishli tuzilmalariga soliq nazoratini amalga oshirish uchun Business Intellegence maʼlumotlarini beradi.

Qonun loyihasi 21 aprelga qadar muhokamada boʻladi. Unga oʻzgartirish va qoʻshimchalar kiritilishi mumkin.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala