TOShKENT, 19 apr — Sputnik. O‘zbekistonda yana besh fuqaroga koronavirus tashxisi qo‘yildi. Ularning testi musbat chiqqan. Bu haqda Sog‘liqni saqlash vazirligi xabar qilmoqda.
“2020 yil 19-aprel soat 10:00 holatiga ko‘ra, O‘zbekistonda koronavirus infeksiyasi qayd etilganlar soni 1495 nafarni tashkil qilmoqda”, - deyilgan xabarda.
Kecha koronavirus bilan kasallangan bemor ikki tomonlama bronxopnevmoniyaning og‘ir kechishi, o‘tkir nafas yetishmovchiligi va o‘pka shishidan vafot etgan edi.
O‘zbekistonda 194 kishi koronavirusdan to‘liq davolandi. Vafot etganlar 5 kishini tashkil etmoqda.
