Iqtisod

"Tirnoq ostidan kir qidirish" yoki oʻzbek paxtasiga qoʻyilgan cheklov haqida

© Sputnik / Sergey SubbotinLeonid Xolod
Leonid Xolod - Sputnik Oʻzbekiston
Mutaxassis fikriga koʻra, Oʻzbekiston paxtasiga cheklov qoʻyish uchun hech qanday obʼyektiv sabablar yoʻq, lekin xalqaro paxta bozorida yana bir kuchli raqibning paydo boʻlishi, albatta hech kimga yoqmaydi.

TOSHKENT, 21 apr - Sputnik. Iqtisodiyot fanlari doktori, sobiq Rossiya qishloq xoʻjaligi vaziri oʻrinbosari Leonid Xolod oʻzbek paxtasiga xalqaro bozorda qoʻyilgan taʼqiq borasida oʻz fikrini bildirdi. 

Eslatib oʻtamiz, oʻtgan haftada Oʻzbekiston mehnat vaziri Nozim Husanov Cotton Campaign xalqaro paxta ishlab chiqaruvchilari assotsiatsiyasiga Oʻzbekiston paxtasiga qoʻyilgan taʼqiqni olib tashlash borasida murojaat qilgan edi. Cotton Campaign oʻtgan 2019 yilda ham Oʻzbekiston dalalarida "100 mingdan ortiq kishilarning majburiy mehnatdan foydalanilganini" vaj qilib, ushbu murojaatnomaga rad javobi bergan. 

Rossiyalik mutaxassis fikriga koʻra, Oʻzbekiston paxtasiga cheklov qoʻyish uchun hech qanday obʼyektiv sabablar yoʻq. 

"Bu "tirnoq ostidan kir qidirish"dan boshqa narsa emas. Men oʻtgan yili Oʻzbekistonda boʻlganman, dalalarga ham borganman. U yerda hech qanday bolalar majburiy mehnati yoki tikanli simlarni koʻrmaganman. Dalalarda ishlayotgan mavsumiy ishchilar oʻziga yarasha pul topishadi. Bu odatiy hol. Rossiyada ham meva terish mavsumida juda koʻp ishchilar yollanadi. Xalqaro assotsiatsiyaning oʻzi vaziyatni boʻrttirib koʻrsatishdan manfaatdor", - dedi Xolod.

Mutaxassis fikriga koʻra, paxta bozori, boshqa xom ashyo bozorlariga biroz oʻxshamagan boʻlib, u yerdagi ishtirokchilar yana bir yetkazib beruvchini koʻrishni istamaganliklari bilan bogʻliq. Oʻzbekiston sobiq Ittifoq davridan buyon kuchli paxta xom ashyo bazasiga ega. Xalqaro paxta bozorida yana bir kuchli raqibning paydo boʻlishi, albatta, hech kimga yoqmaydi. 

"Oʻzbekistonning oʻzi boʻlsa bu borada toʻgʻri yoʻldan ketmoqda. U tayyor mahsulot bilan savdo qilish uchun oʻz paxtani qayta ishlash sanoatini rivojlantirmoqda. Bu sohada "bozor iqtisodiga xos boʻlmagan" toʻsiqlar qoʻyish qiyin boʻladi. tayyor mahsulot bilan savdo qilish - davlat gʻaznasi uchun ham foydali", - deydi ekspert. 

Leonid Xolodning toʻliq sharhini Sputnik audiopodkastida eshiting. (rus tilida) 

Pochemu SSHA ne puskayut uzbekskiy xlopok na mirovoy rыnok — mneniye
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala