Jamiyat

Sardoba falokati: Oʻzbekiston Qozogʻistonga qutqaruvchi va texnikalarini joʻnatdi

© Press-slujbaIz-za prorыva dambы v Sыrdarye, v Kazaxstane evakuirovali jiteley sel
Iz-za prorыva dambы v Sыrdarye, v Kazaxstane evakuirovali jiteley sel - Sputnik Oʻzbekiston
Obuna boʻlish
Yandex newsTelegram
Oʻzbekiston Qozogʻistonga suv toshqini oqibatlarini bartaraf etish uchun 209 nafar shaxsiy tarkib, 169 ta texnikalaridan iborat qoʻshimcha kuch va vositalarni joʻnatdi.

TOSHKENT, 6 may — Sputnik. Oʻzbekiston Qozogʻistonga suv toshqini oqibatlarini bartaraf etish uchun 209 nafar shaxsiy tarkib, 169 ta texnikalaridan iborat qoʻshimcha  kuch va vositalarni joʻnatdi. Bu haqda Favqulodda vaziyatlar vazirligi xabar qildi.

Qayd etilishicha, Sirdaryo viloyatidagi Sardoba suv ombori bilan bogʻliq favqulodda vaziyat oqibatlarini bartaraf etish maqsadida Oʻzbekiston prezidentining maslahatchisi Tursinxan Xudaybergenov boshchiligidagi delegatsiya aʼzolari Turkiston viloyatining favqulodda vaziyatdan zarar koʻrgan hududlarida boʻldi. 

Qozogʻiston ham zarar koʻrganidan afsusdamiz - Sputnik Oʻzbekiston
Video
Qozogʻiston ham zarar koʻrganidan afsusdamiz - Mirziyoyev

Bu yerda suv toshqini natijasida yuzaga kelgan favqulodda vaziyat oqibatlari yana bir karra oʻrganilib, zarur tadbirlar belgilab olindi. 

“Favqulodda vaziyatlar oqibatlarini bartaraf etish uchun Oʻzbekiston Respublikasi tarafidan 209 nafar shaxsiy tarkib, 169 ta qishloq xoʻjaligi, muhandislik va yongʻin-qutqaruv texnikalaridan iborat qoʻshimcha  kuch va vositalar mazkur hududga yetib bordi”, - deyilgan xabarda. 

Hozirda favqulodda vaziyatlar oqibatlarini bartaraf etish ishlari uyushqoqlik bilan olib borilmoqda.

Eslatib oʻtamiz, Shavkat Mirziyoyev Sardoba suv ombori bilan bogʻliq favqulodda vaziyat oqibatlarini bartaraf etishda Qozogʻistonga yordam berishga tayyorligini bildirgan edi.

Yangiliklar lentasi
0