TOShKENT, 10-may — Sputnik. AQShning Florida shtatida UFC 249 musobaqasi bo‘lib o‘tdi. Unda Toni Ferguson Jastin Getjiga mag‘lub bo‘ldi.
Toni Fergusonni muddatidan avval taslim qilgan Jastin Getji yengil vaznda vaqtinchalik chempionga aylandi va u endi rossiyalik UFC chempioni Habib Nurmagomedovning keyingi raqibi bo‘lishi kerak.
Habib Twitterʼdagi sahifasida Jastin Getjini Toni Ferguson ustidan qozongan g‘alabasi bilan tabrikladi va jang ajoyib o‘tganini yozdi. Shuningdek, u Jastin juda “juda aqlli jang” o‘tkazganini ta’kidladi.
@Justin_Gaethje it was so impressive, congratulations. Very smart fight.
— khabib nurmagomedov (@TeamKhabib) May 10, 2020
So‘ngra Nurmagomedov Instagramʼdagi sahifasida navbatdagi jang haqida post yozib qoldirdi. Unda uning surati va orqa fonda Getji surati aks etgan.
Posmotret etu publikatsiyu v Instagram
“Ushbu sportda, ayniqsa, ushbu vaznda hamisha ortingdan nafas olib turadigan och sherlar bo‘ladi. Agar bo‘shashsang – holing voy. Ayrimlar ketadi, boshqalar keladi. Buning ajablanarli joyi yo‘q. Biroq men o‘q otishdan oldin yiqilmayman. Biz hali jang qilamiz”, - deya yozgan u.
Bugungi turnirda Fergusonga qarshi Nurmagomedov oktagonga ko‘tarilishi kerak edi, biroq Habib koronavirus pandemiyasi tufayli Rossiyani tark eta olmasligi sabab jangni bekor qilgan edi. Bu bir necha yil ichida Ferguson va Nurmagomedov o‘rtasida bekor qilingan beshinchi jang edi.
