Iqtisod

Muqobil energiyadan foydalanuvchilar qay holda soliq toʻlaydi?

© Sputnik / Mixail Voskresenskiy / Fotobankka oʻtishSolnechnыe paneli
Solnechnыe paneli - Sputnik Oʻzbekiston
Quyosh, shamol yoki suv elektr stantsiyalaridan shaxsiy maqsadda foydalanganda soliq toʻlash talab qilinmaydi.

TOSHKENT, 27 may - Sputnik. Qayta tiklanuvchi energiya manbalaridan foydalanuvchilar qay hollarda soliq toʻlashi kerakligini Energetika vazirligi tushuntirib berdi. 

2019 yil 21 mayda qabul qilingan Oʻzbekiston Respublikasining "Qayta tiklanuvchi energiya manbalaridan foydalanish toʻgʻrisida"gi qonuniga koʻra: 

  • qayta tiklanuvchi energiya manbaalaridan shaxsiy ehtiyojlar uchun foydalanilgan taqdirda - ruxsat beruvchi hujjatlar olish va soliq toʻlash talab etilmaydi; 
  • qayta tiklanuvchi energiya manbaalaridan sotish uchun energiya ishlab chiqarilganda - bu tadbirkorlikning yangi turi hisoblanadi va lokal elektr tarmoqlari bilan shartnoma tuzish va belgilangan tartibda soliq toʻlash talab etiladi; 

Shuningdek, yuqoridagi qonunga muvofiq, faqat qayta tiklanuvchi energiyadan foydalayotgan fuqarolar, yaʼni mavjud energiya tarmoqlaridan toʻliq uzilgan taqdirda, jismoniy shaxslarning mol-mulk soligʻidan va yer soligʻidan uch yil muddatga ozod qilinadi. 

Undan tashqari, 2019 yil 22 avgustda prezidentning PQ-4422-sonli qaroriga muvofiq, 2020 yilning 1 yanvaridan boshlab jismoniy shaxslarga quyosh fotoelektr stantsiyalari uchun (3 mln. soʻmdan ortiq boʻlmagan), quyosh suv isitgichlari uchun (1,5 mln. soʻmdan ortiq boʻlmagan), shuningdek, energiya tejamkor gaz-gorelkali qurilmalar uchun esa (200 ming soʻmdan ortiq boʻlmagan) sotib olish qiymatining uchdan bir qismi davlat byudjeti hisobidan qoplanishini nazarda tutuvchi tartib joriy qilinishi belgilangan.

Shu bilan birga, Energetika vazirligi aholidan ijtimoiy tarmoqlarda tarqalayotgan (masalan, uyni yoritish uchun quyosh panellaridan foydalanish uchun ruxsat olish va soliq toʻlash kerak degan) ayrim mish-mishlarga ishonmaslikni, aniq maʼlumot uchun vazirlikka murojaat qilishni soʻraydi. 

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala