TOShKENT, 28-may — Sputnik. Samarqandda harbiy shaharcha hududida 100 kishilik karantin shifoxona qurilyapti. Qurilishni bir oy muddat ichida yakunlash rejalashtirilgan. UzA. xabariga asosan.
“Yangi majmuada turli kasalliklar, shu jumladan yuqumli kasalliklar davolanadi. Davolash va jonlantirish bo‘limlarini tashkil qilish ko‘zda tutilgan”, - deyilgan xabarda.
Shuningdek, mazkur hududning o‘zida tibbiyot xodimlari uchun uy-joy qurilmoqda.
Harbiy shaharcha yondosh hududida 1000 kishilik karantin majmua qurilishi boshlangan.
Samarqand viloyati hokimi Erkin Turdimov qurilish vazirligining mas’ul rahbarlari bilan birgalikda obyekt va qurilish loyihasi bilan tanishib, tegishli ko‘rsatma va tavsiyalar berdi. Kelgusida bu tibbiyot muassasalarini O‘zbekiston Mudofaa vazirligiga topshirish rejalashtirilmoqda.
