Dunyoda

Pompeo Xitoyni Huawei orqali Britaniyaga bosim oʻtkazishda aybladi

© Sputnik / Aleksey Vitvitskiy / Mediabankka oʻtishGosudarstvennыy sekretar SSHA Mayk Pompeo
Gosudarstvennыy sekretar SSHA Mayk Pompeo - Sputnik Oʻzbekiston
Obuna boʻlish
NovostiTelegram
AQSH davlat kotibining soʻzlariga koʻra, Pekin London Huaweiʼga oʻzining 5G tarmogʻini qurishga ruxsat bermasa, uning HSBC bankini jazolash bilan tahdid qilgan.

TOSHKENT, 10 iyun - Sputnik. AQSH davlat kotibi Mayk Pompeo Xitoy hukumatini Huawei kompaniyasi va HSBC banki orqali Buyuk Britaniyaga bosim oʻtkazishda aybladi.

Uning soʻzlariga koʻra, Pekin London Huaweiʼga oʻzining 5G tarmogʻini qurishga ruxsat bermasa, HSBC bankini jazolashi va Buyuk Britaniyada atom elektr stantsiyalarini qurish majburiyatini buzishi bilan tahdid qilgan.

Diplomatning taʼkidlashicha, Shenchjenda joylashgan Huawei "Xitoy Kommunistik partiyasi nazorat tizimining davomidir".

U HSBC Osiyo Tinch okeani banki sobiq bosh direktori, Xitoy Xalq siyosiy maslahat kengashi aʼzosi Piter Vong Pekinning Gonkong muxtoriyatiga doir yangi qarorlarini qoʻllab-quvvatlovchi petitsiyani imzolaganini eslatdi.

Kitayskiye banknotы nominalom v 100, 50, 20,10 i 5 yuaney. - Sputnik Oʻzbekiston
Analitika
Xitoy dollarga muqobil suveren kibervalyuta kiritish arafasida turibdi

"Ushbu sadoqat namoyishi orqali HSBC Pekinda unchalik hurmatga ega boʻlmaganiga oʻxshaydi, va Pekin Xitoyning bank biznesida bu bankni Londonga qarshi siyosiy dastak sifatida ishlatishni davom ettirmoqda", - deyiladi Pompeo bayonotida.

Uning soʻzlariga koʻra, "Pekinning tajovuzkor xatti-harakatlari" mamlakatlar nima uchun Xitoyga haddan tashqari iqtisodiy qaramlikdan qochishi va muhim infratuzilmani Xitoy Kommunistik partiyasi taʼsiridan himoya qilishi kerakligini koʻrsatmoqda.

"AQSH Buyuk Britaniyadagi doʻstlarimizga xavfsiz va ishonchli atom elektrostantsiyalarini qurishdan tortib, fuqarolarining shaxsiy hayotini himoya qiladigan ishonchli 5G yechimlarini ishlab chiqishga qadar har qanday ehtiyojni qondirishda yordam berishga tayyor. Erkin millatlar chinakam doʻstdek ish tutib, siyosiy va korporativ pastlikni emas, balki oʻzaro farovonlikni xohlashadi", - deya xulosa qilgan Pompeo.

Yangiliklar lentasi
0