TOShKENT, 10-iyun — Sputnik. O‘zbekistonda yangi koronavirus holati 44 taga ko‘paydi.
“2020 yil 10-iyun soat 17:00 holatiga ko‘ra, O‘zbekistonda koronavirus infeksiyasi qayd etilganlar soni 4591 (+44) nafarni tashkil etmoqda”, - deyiladi Sog‘liqni saqlash vazirligi xabarida.
Yangi kasallanganlarning 20 nafari karantin markazidagi fuqarolar orasida, Toshkent viloyatida 2 nafar, Sirdaryo viloyatidan 8 nafar va Xorazm viloyatida 2 nafar, jami 12 nafar xalqaro yuk tashuvchi avtomashina haydovchisi hamda 6 nafar Toshkent shahrida, 3 nafar Sirdaryo viloyatida, 1 nafar Xorazm viloyatida, 2 nafar Samarqand viloyatida aholi orasida qayd etildi.
Shu kunga qadar 3504 nafar bemor shifo topgan. Hozirda mamlakatning to‘qqiz hududidagi tibbiyot muassasalarida jami 1069 nafar bemor davolanmoqda.
