“Rangli parvozlar”: qaysi mamlakatdan kelganlar karantinga olinmaydi

© Sputnik / Ramiz BaxtiyarovPassajiri spuskayutsya po trapu v aeroportu Tashkenta
Passajiri spuskayutsya po trapu v aeroportu Tashkenta - Sputnik O‘zbekiston
Obuna bo‘lish
Xalqaro parvozlarni tiklayotgan O‘zbekiston parvozlarni uch rangga ajratmoqda: yashil, sariq va qizil. Yashilga kiritilgan davlatlardan kelganlar karantinga olinmaydi.

TOShKENT, 14-iyun — Sputnik. O‘zbekistonda xorijiy davlatlardan kelganlarni karantinga olish tartibi belgilandi. Bu haqda Respublika maxsus komissiyasining qarori qabul qilindi.

Unga ko‘ra:

  • sanitariya-epidemiologik vaziyat barqaror bo‘lgan (yashil reyslar) — Yaponiya, Janubiy Koreya, Xitoy va Isroil davlatlaridan (oxirgi 14 kun ushbu mamlakatlarda bo‘lib turgan) kirib kelgan shaxslar karantinga olinmaydi:
  • koronavirus bilan kasallanish holatlari kamaygan (sariq reyslar) — Yevropa Ittifoqi, Malayziya, Tailand, Singapur davlatlaridan (oxirgi 14 kun ushbu mamlakatlarda bo‘lib turgan) kirib kelgan shaxslar 14 kun davomida uy karantini nazoratiga olinadi;
  • koronavirus bilan kasallanish holatlari kamaymagan (qizil reylar — evakuatsiya reyslari) — qolgan boshqa davlatlar, shu jumladan, BAA, Turkiya, Eron, Afg‘oniston, Rossiya va boshqa MDH davlatlaridan kirib kelgan shaxslar 14 kun davomida karantin nazoratida saqlanadi.

Sanitariya-epidemiologik vaziyat barqaror bo‘lgan va yaxshilanayotgan mamlakatlarda aviareys qatnovi kuniga qadar uzluksiz 14 kundan kam bo‘lgan, shuningdek, og‘ir sanitariya-epidemiologik vaziyat saqlanib qolayotgan davlatlardan tranzit orqali kelayotgan shaxslarga O‘zbekistonga kelish uchun aviachiptalar realizatsiya qilinmaydi.

Yangiliklar lentasi
0