TOSHKENT, 25 iyun — Sputnik. Davlat test markazi boʻlim boshligʻi Elvira Urayeva pandemiya vaqtida test sinovlari qanday oʻtishi haqida maʼlumot berdi. Sputnik Oʻzbekiston muxbiri xabariga asosan.
“Bu yil respublikamizda, pandemiya sharoitini hisobga olgan holda, test sinovlarining mazmuni va oʻtkazish jarayonida baʼzi oʻzgarishlar mavjud. Shuni taʼkidlash kerakki, oʻtgan yili boʻlgani kabi, test sinovlari katta binolarda oʻtkaziladi. Ammo bu binolarga kirish qismida abituriyentlarning tana harorati oʻlchanadi. Ular maxsus dezinfektsiya tunnelidan oʻtadilar. Sinov jarayoni qoʻlqop va himoya niqoblarida oʻtkaziladi”, - deb taʼkidladi DTM xodimasi.
Himoya vositalari test sinovlariga boshlanishidan avval, kirish qismida abituriyentlarga tarqatiladi.
“Harorati normal boʻlgan abituriyentlar, albatta, test sinov topshirish uchun binoga kiritiladi. Ammo abituriyentning tana harorati 37 darajadan yuqori ekanligi aniqlansa, qolgan abituriyentlar uchun xavfsizlik muammosi mavjudligini hisobga olgan holda, respublika komissiyasining tavsiyalariga koʻra, bu abituriyent binoga kiritilmaydi va test sinovida qaytashmaydi. Ular karantinga yoki tibbiy koʻrikdan oʻtish uchun yuboriladi.
Koʻrikdan soʻng, abituriyentning kasal emasligi maʼlum boʻlsa, unga qoʻshimcha kunda test topshirish imkoniyati beriladi.
Bu yilgi yangilik – hujjatlarni masofadan topshirish. Abituriyentlar onlayn tarzda abitur.dtm.uz sayti orqali hujjat yuborishi mumkin. Shuningdek, shaxsiy kabinet orqali test sinovlari oʻtkaziladigan sana, joyi va oʻzgarishlar haqida bilib olishi mumkin.
DTM vakilining soʻzlariga koʻra, 160 mingga yaqin hujjat kelib tushdi. Test sinovlari 1 avgustda oʻtkazish rejalashtirilgan, hujjat topshirish jarayoni yakunlangandan soʻng aniq sanasi maʼlum boʻladi.
Bu yil test sinovlari ikki fandan olinadi, shuningdek 5 tagacha taʼlim yoʻnalishini tanlash mumkin.
