TOShKENT, 25-iyun — Sputnik. Qozog‘iston prezidentining farmoni bilan mamlakat sog‘liqni saqlash vaziri Yeljan Birtanov vazifasidan ozod qilindi. Bu haqda Oqo‘rda matbuot xizmati xabar qilmoqda.
Ushbu lavozimga Aleksey Soy tayinlangan.
“Soy Aleksey Vladimirovich Qozog‘iston Respublikasi Sog‘liqni saqlash vaziri etib tayinlansin”, - deyilgan farmonda.
Eslatib o‘tamiz, avvalroq Qozog‘iston sog‘liqni saqlash vaziri Yeljan Biratnov koronavirus yuqtirib olgani va kasalxonaga yotqizilgani xabar qilingan edi.
So‘nggi ma’lumotlarga qaraganda, Qozog‘istonda 19 285 ta koronavirus holati aniqlangan. 12 048 kishi kasallikni yengishga muvaffaq bo‘lgan. 136 ta qurbon qayd etilgan.
