TOShKENT, 26-iyun - Sputnik. Kalingradda 24-iyun kuni G‘alabaning 75-yilligiga bag‘ishlangan parad vaqtida kutilmagan hodisa sodir bo‘ldi.
Paradda ishtirok etayotgan harbiy feldsher Kseniya Kalchinskayaning oyog‘idan tuflisi tasodifan tushib qoladi. Lekin harbiy ayol go‘yoki hech narsa bo‘lmaganday barcha bilan bir xil shaxdam qadam tashlashda davom etadi. Kseniya shu tariqa 300 metr masofani bosib o‘tadi.
Paradni kuzatib turgan minglab tomoshabinlar ham hech narsa sezmay qolishadi. Voqeaga birinchi bo‘lib internet foydalanuvchilari e’tibor berishadi. Ular qatorda ketayotgan qizlarning birining oyog‘ida tuflisi yo‘qligini payqab qolishadi va shu zahotiyoq unga Zolushka deb nom berishadi.
Voqeadan xabar topgan Boltiq floti qo‘mondonligi Kseniyaning ushbu jasoratini munosib baholab, unga faxriy yorliq toopshirishdi. Bir necha OAVlar ushbu voqea haqida reportaj tayyorlashdi.
