Transport vazirligi aviachiptalar xarid qilishga shoshilmaslikka chaqirmoqda

© Sputnik / Grigoriy Sisoyev / Mediabankka o‘tishPrilot turistov
Prilot turistov  - Sputnik O‘zbekiston
Obuna bo‘lish
Ayni damda sanitariya-epidemiologik vaziyat barqaror bo‘lgan hamda koronavirus infeksiyasi bilan kasallanish holatlari kamaygan mamlakatlar bilan “yashil”, “sariq” va “qizil reyslar”ga ajratilgan holda muntazam parvozlarni qayta tiklash ustida ish olib borilmoqda.

TOShKENT, 26-iyun - Sputnik. Transport vazirligi O‘zbekiston fuqarolarini rasman tasdiqlanmagan xabarlarga ishonib  aviachiptalarni sotib olmaslikka chaqirmoqda. Bu haqda O‘zbekiston transport vazirligi axborot xizmati Sputnik O‘zbekiston muxbiriga ma’lum qildi.

Boing 767-300 aviakompanii Uzbekistan Airways  - Sputnik O‘zbekiston
“Moskva-Toshkent” aviachipta narxi 700 dollardan oshgani rad etildi

So‘nggi kunlarda ijtimoiy tarmoqlar va internet saytlarida ayrim xorijiy aviakompaniyalar joriy yilning 1-iyul sanasidan e’tiboran O‘zbekistonga muntazam parvozlarni qayta tiklashi va shu munosabat bilan avia chiptalar sotuvi boshlangani to‘g‘risidagi xabarlar tarqalmoqda.

Mazkur holat yuzasidan Transport vazirligi quyidagilarni ma’lum qiladi.

Inqirozga qarshi kurashish respublika komissiyasi hamda O‘zbekistonga koronavirusning kirib kelishi va tarqalishini oldini olish yuzasidan chora-tadbirlar dasturini tayyorlash bo‘yicha Respublika maxsus komissiyasining 2020-yil 14-iyundagi qo‘shma yig‘ilishi bayoniga muvofiq, respublika hududida kuchaytirilgan sanitariya-gigiyena nazorati joriy yilning 1-avgustiga qadar saqlanib qolishi belgilangan.

Bunda kuchaytirilgan sanitariya-gigiyena nazorati davrida Respublika maxsus komissiyasining qarorlari bilan joriy etilgan koronavirus infeksiyasi keng tarqalishining oldini olishga qaratilgan barcha cheklovchi choralar saqlanib qoladi.

 SkyUp Airlines - Sputnik O‘zbekiston
Ukraina aviakompaniyasi O‘zbekistonga parvozlarni amalga oshirishga ariza berdi

Shu munosabat bilan Transport vazirligi tomonidan xorijiy davlatlar aviatsiya ma’muriyatlariga O‘zbekistonga aviakompaniyalarning muntazam parvozlarni amalga oshirishga hali ruxsat berilmaganligi to‘g‘risidagi notalar yuborilgan.

Ayni damda sanitariya-epidemiologik vaziyat barqaror bo‘lgan hamda koronavirus infeksiyasi bilan kasallanish holatlari kamaygan mamlakatlar bilan "yashil", "sariq" va "qizil reyslar"ga ajratilgan holda muntazam parvozlarni qayta tiklash ustida ish olib borilmoqda.

"Shu o‘rinda, yo‘lovchilarga eslatib o‘tamiz, turli aviakompaniyalarning O‘zbekistonga muntazam parvozlarni boshlashi to‘g‘risida taraqalayotgan rasman tasdiqlanmagan xabarlarga ishonib aviachiptalarni sotib olmang. Muntazam reyslar tiklangunga qadar faqat Respublika maxsus komissiyasi tomonidan tasdiqlangan parvozlar jadvaliga muvofiq charter reyslarigina amalga oshiriladi", - deya ogohlantiradi vazirlik.

Qo‘shimcha qilinishicha, O‘zbekistonga muntazam aviaqatnovlarning aynan qachondan boshlab tiklanishi yuzasidan Respublika maxsus komissiyasi qaror qabul qiladi.

 

Yangiliklar lentasi
0