SSV COVID-19ga chalingan bemor jasadi shifoxonada nega 15 soat qolganiga izoh berdi

© Sputnik / Ilya Pitalev / Fotobankka oʻtishBrigada skoroy meditsinskoy pomoщi vozle bolnitsы dlya patsiyentov s podozreniyem na koronavirus
Brigada skoroy meditsinskoy pomoщi vozle bolnitsы dlya patsiyentov s podozreniyem na koronavirus - Sputnik Oʻzbekiston
Qashqadaryo viloyati Gʻuzor tumanida yashovchi 64 yoshli fuqaro 29 iyun kuni ahvoli ogʻirlashganligi sababli shifokorga murojaat qilgan

TOSHKENT, 3 iyul - Sputnik. "Koronavirusdan vafot etgan bemor murdasi 15 soat shifoxona ichida turdi" mazmunida tarqatilgan videomurojaatga Qashqadaryo viloyat sogʻliqni saqlash boshqarmasi axborot xizmati munosabat bildirdi.

Testirovaniye rossiyan na nalichiye antitel k COVID-19 v Moskve - Sputnik Oʻzbekiston
Jamiyat
Oʻzbekistonda koronavirus: 2 iyul asosiy xabarlari

Qayd etilishicha, mazkur videomurojaat Gʻuzor tumani tibbiyot birlashmasi xirurgiya boʻlimi (reanimatsiya emas) navbatchi hamshirasi tomonidan tarqatilgan. Bu hamshira reanimatsiya boʻlimiga olib kelinganidan soʻng koronavirusga chalingani aniqlangan bemorga tibbiy yordam koʻrsatish va vafotidan keyin uni dafn etish jarayonlariga aralashmagan.

Avval xabar qilinganidek, Gʻuzor tumanida yashovchi 64 yoshli S.H. shu yilning 29 iyun kuni ahvoli ogʻirlashganligi sababli shifokorga kech murojaat qilgan. Gʻuzor tumani tibbiyot birlashmasi reanimatsiya boʻlimiga ikki tomonlama oʻtkir pnevmoniya ogʻir darajasi, yurak va nafas yetishmovchiligi va qandli diabet ogʻir kechishi tashxisi bilan yotqizilgan.

Bemor reanimatsiya boʻlimiga ogʻir ahvolda "Tez tibbiy yordam" mashinasida olib kelingan. U va yaqinlari "Tez tibbiy yordam" shifokoriga Toshkent viloyatiga borib kelishganini aytishmagan.

Karantinnыy tsentr v Kommunarke  - Sputnik Oʻzbekiston
Jamiyat
Koronavirusning yengil shaklini uyda davolash uchun tavsiyanoma ishlab chiqildi

Bemor qandli diabet kasalligi bilan ogʻriganligini maʼlum qilganligi sababli yuqumli kasalliklar shifoxonasiga emas, zudlik bilan reanimatsion muolaja koʻrsatish maqsadida uni jonlantirish boʻlimiga keltirilgan. Navbatchi shifokor tomonidan infektsionist chaqirtirilgan. Mutaxassislar COVID-19ga gumon qilganligi sababli bemordan surtma olingan va viloyat virusologiya labarotoriyasiga yuborilgan. Bemor darhol izolyatsiya qilinib, davolash jarayoniga jalb etilgan.

Mutaxassislar tomonidan standartlar asosida koʻrsatilgan reanimatsion muolajalariga qaramasdan bemor 2020 yil 30 iyun kuni oʻtkir yurak qon-tomir va nafas yetishmovchiligidan vafot etgan. Undan olingan surtma respublika virusologiya laboratoriyasida takroriy COVID-19 tahlilidan oʻtkazilgan va musbat natija aniqlangan.

Oʻlim qayd etilganidan soʻng marhum barcha sanitariya qoidalariga toʻliq rioya etilgan holda dafn etilgan. U bilan muloqotda boʻlganlarning barchasi karantin nazoratiga olingan.

Shtab-kvartira VOZ v Jeneve. - Sputnik Oʻzbekiston
Dunyoda
Dunyoda koronavirus pandemiyasi tezlashmoqda – JSST rahbari

Karantinga olingan fuqarolardan faqatgina bir nafar shifokor va bir nafar hamshira bemor bilan muloqotda boʻlishgan.
Belgilangan tartiblarga asosan marhumning jasadini dezinfektsiya qilingan holda dafn etish choralari belgilangan.

Maxsus virusologik laboratoriya tahlili chiqqunicha (bu jarayon maʼlum vaqt talab etadi), dezinfektsiya va dafn etish tadbirlari tashkil etilguniga qadar jasad reanimatsiya boʻlimi izolyatsiya xonasida saqlab turilgan. Shundan soʻng marhumning jasadi viloyat sanitariya-epidemiologik osoyishtalik markazi, viloyat favqulodda vaziyatlar boshqarmasi va Milliy gvardiya xodimlari ishtirokida "Tez yordam" maxsus mashinasida olib borilib, dafn etilgan. Marhumni davolashda, jasadni dezinfektsiya qilishda va dafn etishda hamshira va shifokorlardan hech kim ishtirok etmagan.

Gʻuzor tuman tibbiyot birlashmasiga qarashli karantindagi tibbiyot xodimlariga 30 iyun kuni jami 45 million soʻmlik tibbiy buyumlar, himoya kiyimlari va dori-darmon vositalari yetkazilgan.

Tuman hokimligi tomonidan karantindagi fukorolarni ovqatlantirish uchun 44,5 million soʻm ajratilmoqda.

Karantin hududida barcha zaruriy sharoitlar yaratilgan. Karantinda ishlaydigan tibbiyot xodimlariga ish haqiga qoʻshimcha tarzda 6 foizlik ragʻbatlantirish toʻlovlari toʻlab beriladi.

Yangiliklar lentasi
0
Avval yangilariAvval eskilari
loader