TOShKENT, 8-iyul — Sputnik. O‘zbekistonda aniqlangan koronavirus holati tun davomida 168 taga ko‘paydi. Shundan 161 tasi Qashqadaryoda aniqlandi.
“2020 yil 8-iyul soat 10:00 holatiga ko‘ra, O‘zbekistonda koronavirus infeksiyasi qayd etilganlar soni 10 838 (+168) nafarni tashkil etmoqda”, - deyilgan Sog‘liqni saqlash vazirligi xabarida.
Yangi kasallanganlarning 161 nafari Qashqadaryo viloyatida (shundan 127 nafari koronavirusga chalinganlar bilan muloqotda bo‘lib, karantinga olingan fuqarolar orasida, 34 nafari aholi orasida), 7 nafari Namangan viloyatida (shundan 3 nafari koronavirusga chalinganlar bilan muloqotda bo‘lib, karantinga olingan fuqarolar orasida, 4 nafari aholi orasida) aniqlangan.
Shu paytga qadar 6 811 nafar koronavirus infeksiyasiga chalingan fuqarolar sog‘aygan.
Hozirda mamlakatda 3 986 nafar bemor davolamoqda. Ulardan 24 nafari og‘ir, 13 nafari esa o‘ta og‘ir ahvolda. Jami 41 ta o‘lim holati kuzatilgan.
