Bo‘stonliq tumanidagi davlat sanatoriylari xususiy sektorga sotilishi mumkin

© Sputnik / StringerTashkentskoe more ili pritagatelniy Charvak
Tashkentskoe more ili pritagatelniy Charvak - Sputnik O‘zbekiston
Obuna bo‘lish
Bo‘stonliq tumanidagi davlat tashkilotlariga tegishli sanatoriylar xususiy sektorga sotilishi mumkin - prezident farmoni qabul qilindi.

TOShKENT, 15-iyul — Sputnik. “Yer resurslari va davlat mulki obyektlaridan foydalanish samaradorligini yanada oshirish chora-tadbirlari to‘g‘risida” prezident farmoni qabul qilindi.

Charvakskoe vodoxranilishe - Sputnik O‘zbekiston
O‘zbekistonning o‘zini "Oltin halqa"si paydo bo‘ladi

Farmonga muvofiq, 2020-yil 1-noyabrdan boshlab Soliq kodeksi bilan berilgan quyidagi imtiyozlar bekor qilinadi:

Yer solig‘i bo‘yicha quyidagilar tomonidan egallangan yer uchastkalari:

•  sog‘lomlashtirish hamda dam olish joylari, xususan dam olish uylari;

•  aholining ommaviy dam olishi va turizm uchun joylar, agar ular tadbirkorlik faoliyati uchun ajratilgan bo‘lsa;

•  sanatoriy-kurort obyektlari, agar ular turistik zonalarda joylashgan bo‘lsa;

Mol-mulk solig‘i bo‘yicha sanatoriy-kurort xizmatlari ko‘rsatish uchun foydalaniladigan ko‘chmas mulk obyektlari, agar ular turistik zonalarda joylashgan bo‘lsa.

Qoraqalpog‘iston Respublikasi Jo‘qorg‘i Kengesi hamda xalq deputatlari viloyatlar Kengashlariga turistik zonalarda alohida sanatoriy-kurort obyektlari egallagan yerlar uchun mol-mulk va yer solig‘ining kamaytirilgan stavkalarini qo‘llash yoki ushbu soliqlarni to‘lashdan ozod qilish vakolati berildi.

2020 yil 1-sentabrga qadar Toshkent viloyatining Bo‘stonliq tumanida joylashgan budjet tashkilotlari va davlat korxonalari, ustav fondida davlat ulushi 50 foiz va undan ortiq bo‘lgan yuridik shaxslarga tegishli bo‘lgan idoraviy dam olish uylari, pansionatlar,  sanatoriylar va boshqa obyektlarni (bolalar dam olish lageridan tashqari) xususiy sektorga sotish bo‘yicha tegishli takliflar ishlab chiqiladi.

Shuningdek, 2021-yil uchun Davlat budjeti loyihasini tayyorlashda respublikaning turistik zonalaridagi alohida yer uchastkalari, shu jumladan jismoniy shaxslar foydalanishida bo‘lgan 1 gektardan ortiq yer uchastkalari uchun mahalliy davlat hokimiyati organlari tomonidan yer solig‘ining 3 baravarigacha oshirilgan stavkasini belgilash ko‘zda tutiladi.

Yangiliklar lentasi
0