Nurmat Otabekov koronavirusning og‘ir asoratlari haqida aytib berdi

© Ministerstvo zdravooxraneniya respubliki UzbekistanGlavniy san inspektor Uzbekistana - Nurmat Otabekov
Glavniy san inspektor Uzbekistana - Nurmat Otabekov  - Sputnik O‘zbekiston
Obuna bo‘lish
Koronavirusning og‘ir shakli bilan kasallangan bemorlarda - o‘pka yetishmovchiligi va o‘pka fibrozi, yurak, bo‘yrak va asab tizimida o‘zgarishlar sodir bo‘lishi kuzatilmoqda.

TOShKENT, 23-iyul – Sputnik. O‘zbekiston Sanitariya epidemiologik nazorati davlat inspeksiyasi rahbari Nurmat Otabekov koronavirusning og‘ir shakli bilan kasallangan bemorlarda o‘pka yetishmovchiligi va o‘pka fibrozi, yurak, bo‘yrak va asab tizimida o‘zgarishlar sodir bo‘lishi kuzatilganini aytib berdi.   

Koronavirusning og‘ir shakli bilan kasallangan bemorlarda  - tromboemboliya, tromboz, o‘pka arteriyasi tromboemboliyasi yoki o‘tkir koronar yetishmovchilik kabi poliorgan o‘zgarishlar tufayli kasallik tuzalgandan keyin ham ba’zi bemorlarda o‘pka hayotiy sig‘imining  20-30% ga kamayishi, o‘pka fibrozi kuzatilishi mumkin. Bu esa - harsillash, surunkali kislorod yetishmovchiligiga olib keladi, dedi Otabekov.

Bundan tashqari koronavirus yurak-qon tomir tizimida, buyraklarda va asab sistemasida ham  patologik o‘zgarishlarni keltirib chiqarishi mumkin.

Turli tasdiqlanmagan manbalarda koronavirusdan davolangandan so‘ng miya yemirilishi, bepushtlik kabi asoratlar qoladi, degan ma’lumotlar tarqamoqda. Kasallikning tibbiy patogenezi bilan tanishmagan holda bunday gaplarni tarqatish noo‘rin.

Koronavirusning yengil shaklini boshdan kechirgan bemorlarda kasallikdan tuzalgandan keyin deyarli asoratlar kuzatilmayapti, dedi bosh sanitar shifokor.

Ma’lumot uchun, bugungi kunda O‘zbekistonda koronavirusga chalinganlar soni 18 531 kishiga yetgan. Ulardan 9872 nafari (53%) sog‘aygan. 99 kishi ushbu infeksiya qurboniga aylangan, 8560 nafar bemorga davo choralari ko‘rilmoqda. Ulardan 100 nafari og‘ir, 27 nafari esa o‘ta og‘ir ahvolda.

 

 

Yangiliklar lentasi
0