TOShKENT, 25-iyul - Sputnik. Transport vazirligi xorijdagi talabalarni O‘zbekistonga olib kelish bo‘yicha choralar ko‘rilayotgani haqida ma’lum qildi, deb xabar berdi Sputnik O‘zbekiston muxbiri.
Koronavirus pandemiyasi tufayli xorijiy davlatlar o‘rtasida transport qatnovlariga nisbatan qo‘yilgan cheklov choralari sabab chet davlatlar oliy o‘quv yurtlarida tahsil olayotgan o‘zbekistonlik talabalarni Vatanga olib kelish bo‘yicha tizimli ishlar amalga oshirilmoqda.
Shu kunga qadar Moskva, Sankt-Peterburg, Novosibirsk, Tomsk, Minsk, Istanbul kabi shaharlardan talabalar qaytarildi.
Respublika maxsus komissiyasi topshirig‘iga binoan avgust oyining birinchi birinchi o‘n kunligida Moskva, Sankt-Peterburg, Novosibirsk, Tomsk, Qozon, Rostov-Don, Kiyev, Qohira shaharlaridan maxsus charter reyslari orqali o‘zbekistonlik talabalarni olib kelish ishlari tashkil etiladi.
Hozirda shu borada xorijiy davlatlar aviatsiya ma’muriyatlari bilan ishlar olib borilmoqda.
