Dunyoda

Koronavirus Markaziy Osiyoda: Oʻzbekiston karantinni uzaytiradi, Qirgʻizistonda milliy motam

© Sputnik / Tabыldы KadыrbekovPrispuщennыy flag Kыrgыzstana na tsentralnoy ploщadi v Ala-Too. Arxivnoye foto
Prispuщennыy flag Kыrgыzstana na tsentralnoy ploщadi v Ala-Too. Arxivnoye foto - Sputnik Oʻzbekiston
Obuna boʻlish
Yandex newsTelegram
Oʻzbekistonda karantin uzaytiriladi, Qirgʻizistonda 30 iyul koronavirus qurbonlari xotirasiga milliy motam kuni sifatida eʼlon qilinadi, Tojikiston Rossiya bilan parvozlarni qayta tiklashga qaror qildi - hafta davomida sodir boʻlgan muhim voqealar – Sputnik sharhida.

TOSHKENT, 26 iyul — Sputnik. Soʻnggi maʼlumotlarga koʻra, Markaziy Osiyo davlatlarida jami 141 909 ta koronavirusni yuqtirganlik holati qayd etilgan. Hafta davomida mintaqada 23 mingdan ziyod yangi holat aniqlangan.

Qozogʻiston

Mamlakat aniqlangan holatlar boʻyicha hamon yetakchilikni qoʻldan boy bermay kelmoqda.

Prodaja myasa na odnom iz rыnkov v Kazaxstane - Sputnik Oʻzbekiston
Dunyoda
Qozogʻiston bozorlarida dumba va yerqalampirga talab keskin oshdi

Oʻtgan kun davomida Qozogʻistonda 1 494 ta yangi holat tasdiqlandi. Kasallanganlarning umumiy soni 81 720 nafarga yetgan (kasallik alomatlarsiz kechayotgan bemorlar shular jumlasidandir). 51 823 kishi ushbu kasallikni yenggan. 21 iyul holatiga koʻra 610 ta kishi virus qurboniga aylangan.

Mamlakatda 1,6 mln nafar muhtoj kishilarga 42 500 tenge (102 dollar) yordam puli berilgan. Davlat rahbari Qosim-Jomart Toqayev topshirigʻiga binoan, iyul oyida karantin joriy etilishi munosabati bilan ishlaydigan, karantin tufayli daromadidan ayrilgan qozogʻistonliklarga bir martalik toʻlov amalga oshirilishi belgilangan edi

Qirgʻiziston

Oʻtgan sutka davomida mamlakatda pnevmoniyani inobatga olgan holda 689 ta yangi holat aniqlangan. Shu tariqa, koronavirus yuqtirib olganlarning umumiy soni 32 813 nafarni tashkil etmoqda. 20 388 kishi sogʻayib ketishga muvaffaq boʻlgan. Pandemiya boshlangan buyon 1277 kishi virus qurboniga aylangan. Kecha 48 ta yangi oʻlim holati qayd etilgan.

Gosudarstvennыy flag Kirgizskoy Respubliki - Sputnik Oʻzbekiston
Dunyoda
Qirgʻizistonda 30 iyul milliy motam kuni sifatida eʼlon qilinadi

Rossiyadan Qirgʻizistonga 50 nafardan ziyod shifokorlar yordamga kelgan. Ular bir oy davomida qirgʻizistonlik hamkasblariga COVID-19 ustidan gʻalaba qozonishda koʻmaklashishadi. Bundan tashqari, Rossiya Qirgʻizistonga tibbiyot jihozlari va turli koʻrinishdagi insonparvarlik yordamini joʻnatgan.

Prezident Sooronbay Jeenbekov Qirgʻizistonda 30 iyul koronavirusdan vafot etganlar xotirasiga milliy motam kuni sifatida eʼlon qilinishini maʼlum qildi.

Oʻzbekiston

25 iyul kuni mamlakatda 592 ta koronavirus bilan kasallanish holati qayd etildi. Ularning barchasi koronavirusga chalingan bemorlar bilan muloqotda boʻlganligi sababli namuna olingan fuqarolar orasida aniqlangan.

2020 yil 26 iyul soat 10:00 holatiga koʻra, mamlakatda jami 20 226 kishida koronavirus infektsiyasi tasdiqlangan.
Shu paytga qadar 10 831 nafar koronavirus bilan kasallanganlar (54 foiz) tuzalib ketgan. Soʻnggi kunlarda koronavirusdan tuzalganlar soni ham keskin oshib bormoqda. Kechaning oʻzida birdaniga 359 bemor sogʻaydi. Virus jami 112 kishini bevaqt hayotdan olib ketdi. Jumladan, kecha poytaxtlik 34 yoshli homilador ayol COVID-19 ning oʻta ogʻir kechishi, oʻtkir nafas va yurak qon-tomir yetishmovchiligidan vafot etdi.

Oʻzbekiston prezidenti Shavkat Mirziyoyev videoselektor yigʻilishida mamlakat pandemiyaga qarshi qanday kurash olib borayotganiga alohida toʻxtalib oʻtildi.

Shavkat Mirziyoyev - Sputnik Oʻzbekiston
Mirziyoyev karantin cheklovlari 1 avgustdan keyin uzaytirilishiga rozilik berdi

Davlat rahbarining maʼlum qilishicha, hozirgi vaqtda germaniyalik tibbiyot professori mamlakatga kelib, davolash jarayonlarida bevosita ishtirok etmoqda. Turkiyadan bir guruh professorlar yetib keladi. Boshqa davlatlardan ham eng tajribali mutaxassislarni jalb qilish boʻyicha ish olib borilmoqda.

Mirziyoyev bugungi kunda eng muhim vazifa aholi oʻrtasida virus zanjirini uzish hisoblanishi, buning uchun karantin talablariga soʻzsiz amal qilish, ularning immunitetini mustahkamlash, sogʻligini asrab-avaylash, har bir insonning hayoti uchun kurashish zarurligini taʼkidladi.

Yigʻilishda prezident kasallik yuqtirilishining oldini olish, oʻlim holatlarini keskin kamaytirish maqsadida Respublika maxsus komissiyasining amaldagi karantin cheklovlarini uzaytirish taklifiga rozilik bildirganini maʼlum qildi.

Oʻzbekistonda koronavirus pandemiyasini jilovlashda jasorat koʻrsatgan 200 nafardan ziyod fidoyilar faxriy unvon, orden va medallar bilan taqdirlandi.

Tojikiston

Soʻnggi maʼlumotlarga koʻra, oʻtgan kun davomida 46 kishiga koronavirus tashxisi qoʻyilgan. Koronavirus bilan kasallanganlarning umumiy soni 7150 nafarga yetgan. Shulardan 5906 nafari (82,6 foizi) tuzalib ketishga muvaffaq boʻlgan. Pandemiya boshlanganidan buyon 59 kishi qurbon boʻlgan. Hafta davomida ikkita oʻlim holati kuzatildi.

Samolet tadjikskix avialiniy Somon Air - Sputnik Oʻzbekiston
Dunyoda
Tojikiston Rossiya bilan parvozlarni qayta tiklashga qaror qildi

COVID-19 bilan kasallanish kamayganiga qaramasdan toʻylardagi mehmonlar soni 30-40 nafargacha qisqartirildi. Avvalgi tartibga koʻra toʻy sohibi kafe yoki restoranga 100 kishini mehmonga chaqirishi mumkin edi.

Tojikiston Rossiya tomonini mamlakat hukumati Rossiya bilan parvozlarni tiklash toʻgʻrisida qaror qabul qilgani haqida rasman xabardor qilgan.

Turkmaniston

Turkmaniston mintaqada hozirga qadar koronavirus rasman qayd etilmagan va mintaqadagi infektsiyadan xoli mamlakat boʻlib turibdi.

Shunga qaramasdan Turkmanistonda 13 iyuldan boshlab niqob taqish majburiy qilib belgilangan. Shuningdek, qator yirik bozorlar, Ashxobodda barcha istirohat bogʻlari va savdo markazlari vaqtincha faoliyatini  toʻxtatgan. JSST missiyasi mamlakatga tashrifidan soʻng oʻzini xuddi koronavirus kirib kelgandek ish tutishini tavsiya qilgan edi.

Soʻnggi maʼlumotlarga koʻra, dunyo boʻylab 16 milliondan ziyod kishi koronavirusni yuqtirib olgan. Kasallikdan shifo topganlar soni 10 millionga yaqinlashmoqda. Qurbonlar soni 640 mingdan oshgan.

Yangiliklar lentasi
0