"Sardoba ishi" bo‘yicha tergov muddati 5 oyga uzaytirildi - Bosh prokuratura

© Sputnik / Ramiz BaxtiyarovVyezd v poselok Sardoba, postradavshiy ot navodneniya
Vyezd v poselok Sardoba, postradavshiy ot navodneniya - Sputnik O‘zbekiston
Obuna bo‘lish
Dastlabki tergovni har tomonlama va to‘liq o‘tkazilishini ta’minlash maqsadida hamda jinoyat ishining murakkabligi va katta hajmdaligini inobatga olib, dastlabki tergov muddati Bosh prokuratura tomonidan 5 oyga uzaytirildi.

TOShKENT, 28-iyul - Sputnik. "Sardoba ishi" bo‘yicha tergov muddati 5 oyga uzaytirildi, deb xabar bermoqda O‘zbekiston Bosh prokuraturasi matbuot-xizmati.

Likvidatsiya posledstviy ChS v Sardobinskom rayone Sirdarinskoy oblasti - Sputnik O‘zbekiston
“Sardoba” ishi bo‘yicha ekspertiza xulosasi va qamoqqa olingan shaxslar - BP bayonoti

Avval xabar berilganidek, joriy yil 1-may kuni yuz bergan "Sardoba" suv ombori to‘g‘oni o‘pirilishi va buning oqibatida katta hajmdagi yer maydonlarini suv bosishi bo‘yicha Jinoyat kodeksining 207 va 258-moddalarida nazarda tutilgan jinoyatlar alomatlari bilan jinoyat ishi qo‘zg‘atilib, tergov harakatlari olib borilmoqda.

Aniqlanishicha, suv ombori 2010-2017 yillarda qurilgan bo‘lib, loyihaga buyurtmachi sifatida "Sirdaryo suv qurilish invest" DUK (Suv xo‘jaligi vazirligi), bosh loyihachi - "UzGip" MChJ, bosh pudratchi – "O‘ztemiryo‘lqurilishmontaj" UK ("O‘zbekiston temir yo‘llari" AJ) tanlangan. Suv ombori qurilishiga davlat budjetidan 1,2 trln.so‘m sarflangan.

Suv omboridan foydalanish "O‘zbekiston temir yo‘llari" AJga qarashli "Sardoba suv ombori obyektlaridan foydalanish va rivojlantirish direksiyasi" tomonidan amalga oshirilgan.

Vyezd v poselok Sardoba, postradavshiy ot navodneniya - Sputnik O‘zbekiston
Sardoba aholi uchun mo‘ljallangan mahsulotlarni sotib yuborgan shaxs aniqlandi

Dastlabki tergovning har tomonlama, to‘liq va xolisona olib borilishini ta’minlash maqsadida quyidagi asosiy taxminlar tekshirildi. Loyihalashdagi xatoliklar, qurilish jarayonida meyorlarga rioya qilmaslik, ekspluatatsiya jarayonidagi xatoliklar, tabiiy ofat.

Mazkur 4 ta taxmin tegishli ekspertiza muassasasi ekspertlaridan va gidrotexnik inshootlarni loyihalash, qurish, ekspluatatsiya qilish, qurilish ekspertizasi, tuproq va suvning xossalari va boshqa bir qator masalaga daxldor sohalarga mansub 30 nafar mutaxassisdan iborat Komissiya yordamida tekshirildi.

Ekspertiza xulosasiga ko‘ra, suv ombori to‘g‘onining o‘pirilishiga quyidagi omillar sabab bo‘lgan:

1. Loyiha hujjatlaridagi xato va kamchiliklar.

Na meste proriva Sardobinskogo vodoxranilisha v Sirdarinskoy oblasti - Sputnik O‘zbekiston
Zoologlar kemiruvchilarning “Sardoba” to‘g‘oni o‘pirilishiga ta’sirini o‘rgandi

Loyihaning texnik-iqtisodiy asoslari tegishli ekspertizadan o‘tib, tasdiqlanganidan keyin ishchi-loyiha hujjatlarini tayyorlash vaqtida konstruksiyaga (qiyaliklarning balandlikka nisbati, himoya va filtirlovchi qoplamalarning xarakteristikalariga) loyihachi tomonidan o‘zboshimchalik bilan, asoslantirilmagan holda, to‘g‘onning ishonchliligi va turg‘unligini ta’minlamaydigan darajaga olib kelgan o‘zgartirishlar kiritilgan.

2. Qurilishdagi xato va kamchiliklar.

To‘g‘onning tanasini tashkil qilgan tuproqning zichligi loyihaviy talabdagidan past va tuproq yot jismlardan tozalanmaganligi oqibatida ular chirib, bo‘shliqlar hosil qilgan, himoya qatlamiga yotqizilgan xarsang toshlarning diametri loyihadagi o‘lchamlardan bir necha bor katta bo‘lgan holda, xarsang tosh qoplamasi loyiha hujjatida belgilangan qalinlikdan kam, toshlar notekis, sifatsiz joylashtirilgan va katta diametrli toshlar o‘rtasidagi bo‘shliqlar mayda toshlar bilan to‘ldirilmagan.

Vyezd v poselok Sardoba, postradavshiy ot navodneniya - Sputnik O‘zbekiston
Sardobada suv ostida qolgan qabristonlarning manzilli xaritasi tuzildi

3. Ekspluatatsiyadagi xato va kamchiliklar.

Ekspluatatsiya jarayoni bilan bog‘liq jiddiy moddiy va nomoddiy kamchiliklarga yo‘l qo‘yilgan. Jumladan, to‘g‘onga xizmat ko‘rsatuvchi “Sardoba suv ombori obyektlaridan foydalanish va rivojlantirish direksiyasi”ning bevosita to‘g‘onga xizmat ko‘rsatuvchi tarkibi zaruriy moddiy-texnik vositalar bilan ta’minlanmagan. Boz ustiga, o‘tkazilgan malaka attestatsiyasi ekspluatatsiyaga jalb etilgan xodimlarning 56% zaruriy bilimga (ixtisos), 82% malaka va tajribaga ega emasligini va buning oqibatida to‘g‘onga sifatli xizmat ko‘rsatishga, o‘pirilishi kabi favqulodda xodisalarga olib keluvchi omillarni o‘z vaqtida aniqlashga qodir emasligini ko‘rsatdi.

Prezident Uzbekistana Shavkat Mirziyoyev vnov posetil Sirdarinskuyu oblast - Sputnik O‘zbekiston
Mirziyoyev Sardoba suv omborini qurish nega kerak bo‘lgani haqida gapirdi

Yuqorida aniqlangan holatlarni inobatga olgan holda, ekspertiza suv omborini loyihalash, qurish hamda ekspluatatsiya qilish jarayonidagi qayd etilgan xato va kamchiliklar, suv ombori qurilishi 2-bosqichi davlat komissiyasi tomonidan qabul qilinmagan bo‘lsada, to‘la hajmda suv to‘planganligi yakka tartibda yoki ularning majmui to‘g‘on o‘pirilishiga sabab bo‘lganligi haqida xulosaga kelgan.

Hozirgi vaqtda tergov organi tomonidan to‘g‘on qurilishi, ekspluatatsiya qilinishi, davlat komissiyasi tomonidan qabul qilingan hajmda suv to‘planishi jarayonlarida yo‘l qo‘yilgan qonun buzilishi holatlariga daxldor 9 nafar shaxs, jumladan buyurtmachi "Sirdaryo suv qurilish invest" DUK, loyihachi "UzGip" MChJ, bosh pudratchi – "O‘ztemiryo‘lqurilishmontaj" UK, pudratchi tashkilot "Rezaksoy suv qurilish" UK, "To‘palang Sherobod" ShK, Suv xo‘jaligi vazirligi, Ekspluatatsiya direksiyasi mansabdor shaxslarining bir guruhi Jinoyat kodeksining tegishli (167, 205, 207, 209, 258) moddalari bilan ayblanuvchi tariqasida jinoiy ishga jalb qilinib, kamoqqa olish ehtiyot chorasi qo‘llanilgan.

Sirdaryo viloyatining Sardoba tumanida toshqin oqibatlarini bartaraf etilishi - Sputnik O‘zbekiston
Sardoba falokatdan so‘ng - fotoreportaj

Jinoyat ishi doirasida qurilishga sarflangan budjet mablag‘larining asosliligini tekshirish maqsadida hujjatli taftish va bajarilgan ishlar hajmlarining nazorat o‘lchovi tayinlanib, O‘zbekiston Hisob palatasi mutaxassislari rahbarligida mutasaddi idoralarning malakali mutaxassislaridan iborat komissiya tomonidan o‘lchov va taftish ishlari olib borilmoqda.

Tergov organi tomonidan jinoyatning sabablari, unga imkon bergan shart-sharoitlarni, aybdor shaxslar doirasini aniqlash bilan birga, yetkazilgan zararning qoplanishini ta’minlashga qaratilgan chora – tadbirlar amalga oshirilmoqda.

Dastlabki tergovni har tomonlama va to‘liq o‘tkazilishini ta’minlash maqsadida hamda jinoyat ishining murakkabligi va katta hajmdaligini inobatga olib, dastlabki tergov muddati Bosh prokuratura tomonidan 5 oyga uzaytirilgan.

Yangiliklar lentasi
0