Kuryer v Moskve. Arxivnoye foto - Sputnik Oʻzbekiston
Migratsiya

Oʻzbekiston hukumati va oʻzbek diasporasi tashkilotlari muloqoti: nimalarga kelishildi

Obuna boʻlish
NovostiTelegram
Bu kabi shaklda muloqot Rossiyada ilk bor oʻtkazilmoqda. Asosiy maqsad - mavjud masala va muammolarni ochiq muhokama qilish, konstruktiv fikr almashish va takliflarni amalga oshirish boʻyicha istiqbolli hamkorlikni rivojlantirish.

TOSHKENT, 10 avg — Sputnik. Oʻzbekiston hukumatining aʼzolari, vazirlik, idora va xorijdagi diplomatik vakolatxonalari rahbarlari hamda 70 dan ortiq oʻzbek diasporasi tashkilotlari (yurtdoshlar uyushmalari) rahbarlari va vakillari ishtirokida videokonferentsiya oʻtkazildi. Bu haqda Investitsiyalar va tashqi savdo vazirligi matbuot xizmati xabar bermoqda.

Taʼkidlanishicha, bu kabi shaklda muloqot Rossiyada ilk bor oʻtkazilmoqda. Asosiy maqsad - mavjud masala va muammolarni ochiq muhokama qilish, konstruktiv fikr almashish va takliflarni amalga oshirish boʻyicha istiqbolli hamkorlikni rivojlantirish.

Rabochiye na stroitelnoy ploщadke - Sputnik Oʻzbekiston
Migratsiya
Markazda migrantlar taqdiri: RFdagi oʻzbekistonliklar masalasida Parlament soʻrovi yuboriladi

Anjumanda pandemiyaning bugungi holati bilan bogʻliq mavzular, Rossiyadagi oʻzbek diasporasining masala va takliflari muhokama qilindi. Tezkor yechimlarni talab qiladigan masalalar yuzasidan chora-tadbirlar belgilanib, masʼul ijrochilar tayinlandi.

Oʻzbek diasporasi vakillari Rossiyada yashash va mehnat qilish sharoitlarini yaxshilash, mamlakatlar oʻrtasida madaniy almashinuvni kuchaytirish va huquqiy himoya tizimini mustahkamlashga qaratilgan aniq gʻoya va takliflarni tilga oldi.

Videokonferentsiya ishtirokchilari chet elda yashayotgan vatandoshlar bilan hamkorlik qilish yoʻnalishi boʻyicha Oʻzbekiston davlat siyosatining qabul qilingan kontseptsiyasiga koʻra, vatandoshlarni bandlik, ijtimoiy, moliyaviy, huquqiy va boshqa jihatlardan qoʻllab-quvvatlash mexanizmlarini nazarda tutuvchi batafsil dastur ishlab chiqilayotganligini taʼkidladi.

Muloqot yakunida bir qator kelishuvlarga erishildi, jumladan:

  • mehnat migratsiyasi sohasidagi jarayonlarning samaradorligini oshirish, pandemiya sharoitida migrantlarning bandligini va ularning Rossiyada boʻlishini taʼminlash masalalarining yechimlarni topish;
  • migrant ishchilarning chet elga ketishidan oldin mehnat qilish uchun til va kasb boʻyicha tayyorlash;
  • xorijdagi oʻzbekistonlik mehnat migrantlari manfaatlarini himoya qilishning huquqiy mexanizmlarini mustahkamlash;
  • mehnat migratsiyasiga ketgan fuqarolarni sugʻurta qilish orqali himoyalash mexanizmlarini yaratish;
  • investitsiya va biznes loyihalarida vatandoshlar bilan hamkorlik qilish, taʼlim, fan, madaniyat va ijtimoiy tashabbuslar boʻyicha tajriba almashish;
  • Oʻzbekistonda xorijdan kelgan vatandoshlar tomonidan tadbirkorlik, ilmiy, maʼrifiy va madaniy faoliyatni amalga oshirilishi uchun qulay shart-sharoitlar yaratish;
  • xorijdagi vatandoshlar bilan hamkorlikda amalga oshirish uchun oʻzbek madaniyati va tili, sanʼati, anʼanalari va oʻzbek milliy pazandachilik sanʼatini va sayyohlik salohiyatini targʻib qilish dasturini ishlab chiqish.

Kelajakda respublika davlat organlari, diplomatik vakolatxonalari va xorijdagi vatandoshlar uyushmalari oʻrtasida tezkor va toʻsiqsiz fikr va axborot almashinuvini yoʻlga qoʻyish uchun messenjerlar, ijtimoiy tarmoqlar va virtual muloqotning boshqa usullaridan foydalanish ham rejalashtirilgan.

Yangiliklar lentasi
0