Kiberhujumlarning 75 % AQSh tomonidan nazorat qilinadi - Xavfsizlik Kengashi

© Sputnik / Aleksey Malgavko / Mediabankka o‘tishRabota IT- spetsialista za kompyuterom
Rabota IT- spetsialista za kompyuterom - Sputnik O‘zbekiston
Obuna bo‘lish
Yetakchi xorijiy va Rossiya kompaniyalarining hisobotlari tahliliga ko‘ra - kompyuter hujumlarining eng katta qismi AQShda joylashgan infratuzilma yordamida amalga oshirilmoqda

TOShKENT, 25-avgust - Sputnik. Dunyodagi kiberhujumlar aksariyati ortida AQSh turadi, bunga mavjud bo‘lgan statistika dalolat beradi, u axborot maydonida "Rossiyaning mutlaq tahdidi" haqidagi uydirmalarni yaqqol rad etadi, deydi Rossiya Xavfsizlik Kengashi kotibi o‘rinbosari Oleg Xramov.

Rabota za kompyuterom. Klaviatura - Sputnik O‘zbekiston
AQShda kiber urush tayyorlanmoqda, deb hisoblaydi ekspert

"Argumenti i fakti" gazetasiga bergan intervyusida Xramov Rossiya qanday qilib Amerika tashvikotining Rossiya Federatsiyasini axborot tahdidlarining manbai sifatida taqdim etishiga qarshi turishi mumkinligini aytdi.

"Avvalo, raqiblarimiz tomonidan doimiy ravishda berkitib kelinayotgan dalillar. Masalan, axborot xavfsizligi sohasida ish olib borayotgan yetakchi xorijiy va Rossiya kompaniyalarining hisobotlari tahlili shuni ko‘rsatadiki, kompyuter hujumlarining eng katta qismi AQShda joylashgan infratuzilma yordamida amalga oshirilmoqda", - dedi Xramov.

"Shu bilan birga, amerikaliklar zararli faoliyat statistikasi bo‘yicha sezilarli yetakchilikka ega: 2016 - 2019-yillarda - zararli ta’sir turiga qarab, 40% dan 75% gacha", - deya qo‘shimcha qildi Xavfsizlik Kengashi kotibi o‘rinbosari.

Xramovning so‘zlariga ko‘ra, "bu ko‘rsatkich Rossiyaga 2% dan 7% gacha beradi". "G‘arbda oshkor qilinmagan, ammo ochiq manbada ko‘rsatilgan bu ma’lumotlar har qanday aql-idrokli kishiga kibermakonda Rossiyaning mutlaq tahdidi haqidagi tezisning nomuvofiqligini yaqqol namoyish etadi", - dedi Xramov.

Xaker - Sputnik O‘zbekiston
Yevropada kiber qo‘shin tuzildi

Shu qatorda, FQB ma’lumotlariga ko‘ra, har yili AQShning o‘zida 300 mingdan ortiq kiberhujumlar qayd etiladi, bu esa turli baholarga ko‘ra Amerika iqtisodiyotiga 57 dan 109 milliard dollargacha zarar yetkazadi, dedi Xramov. "Va biz chet ellik sheriklarimizga davlat darajasida kompyuter xujumlariga qarshi kurashda siyosiylashmagan hamkorlik yo‘lidan borishni qat’iyat bilan taklif qilmoqdamiz", - deya qo‘shimcha qildi u.

Xramov, Rossiya tomonidan zararli faoliyatning namoyon bo‘lishi to‘g‘risida ekspert ma’lumotlarini doimiy ravishda kompyuter hodisalari bo‘yicha Milliy muvofiqlashtirish markazi ta’minlashini eslatdi. "Bu kabi o‘zaro hamkorlik tashkil etilgan davlatlar soni 2019-yilda 116 tadan 146 gacha ko‘paygani yaxshi ko‘rsatkichdir", - dedi Xavfsizlik Kengashi kotibi o‘rinbosari.

"Axborot almashinuvi ham o‘sib bormoqda. Biz tomondan hamkorlarimizga Rossiyaning axborot resurslariga nisbatan zararli harakatlar to‘g‘risida 12 mingdan ortiq so‘rov yuborildi, boshqa mamlakatlardan esa 8 mingga yaqin bunday so‘rovlar kelib tushdi", - dedi Xramov.

Yangiliklar lentasi
0