TOShKENT, 13 sen — Sputnik. Samarqand viloyati Bulung‘ur tumanida yo‘lda yotgan 20 yoshli yigitni “Neksiya” bosib ketdi. Bu haqda IIV YHXBB axborot xizmati xabar qilmoqda.
Hodisa 11-sentabr kuni soat 5:30 larda tuman hududidan o‘tgan 4M 503 avtomobil yo‘lining 4-kilometrida sodir bo‘lgan. 30 yoshli “Neksiya” avtomobili haydovchisi M.A. yo‘l qatnov qismining o‘rtasida mast holda choponga o‘ranib yotgan piyoda 20 yoshli A.E.ni ustidan bosib o‘tgan.
Natijada 20 yoshli A.E. og‘ir tan jarohatlari olib shifoxonada vafot etgan.
Mazkur YTH yuzasidan Jinoyat Kodeksining 266-moddasi 2-qismi (odam o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi ochilgan.
Hozirda tergov harakatlari olib borilmoqda.
