Iqtisod

Quva anorlari 7 ta davlatga eksport qilinmoqda

© Sputnik / Asatur YesayantsGranat
Granat - Sputnik Oʻzbekiston
Ayni vaqtda xorijga Fargʻona bogʻlarida pishib yetilgan 3 ming tonnadan ortiq anor eksportga joʻnatildi.

TOSHKENT, 21 sen — Sputnik. Quva anorlari 7 ta davlat - Janubiy Koreya, Xitoy, Rossiya, Ukraina, Birlashgan Arab Amirligi, Qozogʻiston, Qirgʻizistonga eksport qilinmoqda.

Stend Uzbekistana na vыstavke WorldFood Moscow 2019 - Sputnik Oʻzbekiston
Iqtisod
Bu yil Germaniya, Litva va Turkmaniston bozorlarida Oʻzbekiston uzumlari sotilmoqda

Ayni vaqtda Fargʻona bogʻlarida pishib yetilgan 3 ming tonnadan ortiq anor eksportga joʻnatildi. Bu haqda DBQ matbuot xizmati xabar qildi.

Qadimdan anorchilik ulkan daromad manbai, kamyob va shifobaxsh neʼmat sifatida baholangan. Zamonaviy tibbiyot, xalq tabobatida juda foydali xususiyatlari bilan ajralib turadi. Jahon bozorida ushbu mahsulotga boʻlgan talab va taklif yuqori.

“Shu bois anorzorlarni kengaytirish, serhosil, ertapishar navlar yaratishga alohida eʼtibor qaratilmoqda. Shu kunga qadar Rishton va Oltiariq tumanlarida 1 ming 400 gektar yangi anorzorlar tashkil etildi.

2025 yilga borib viloyatdagi anor maydonlari 20 ming gektarni tashkil qiladi va yiliga 200 ming tonnadan ortiq anor yetishtiriladi. Bu mavsum davomida 120 ming tonnadan ortiq anor eksportini amalga oshirish imkoniyatini beradi”, - deyilgan xabarda.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala