“Budjetchilar”ga ayrim to‘lovlarni to‘lashni to‘xtatib turish muddati uzaytirildi

© Sputnik / Ramiz BaxtiyarovNatsionalnaya valyuta Uzbekistana — sum
Natsionalnaya valyuta Uzbekistana — sum - Sputnik O‘zbekiston
Obuna bo‘lish
Budjet tashkilotlarida ishlaydigan xodimlarga ayrim to‘lovlarni to‘lashni to‘xtatib turish muddati uzaytirildi.

TOShKENT, 22 sen — Sputnik. Budjet tashkilotlari xodimlariga ayrim to‘lovlarni to‘lashni to‘xtatib turish muddati uzaytirildi.

Natsionalnaya valyuta Uzbekistana — sum - Sputnik O‘zbekiston
Ipoteka kreditini olish yanada soddalashtiriladi

“2020 yil uchun O‘zbekiston Respublikasi Davlat budjetining barqarorligini ta’minlash va xarajatlarini maqbullashtirish chora-tadbirlari to‘g‘risida”gi Hukumat qarori qabul qilindi (575-son, 21.09.2020 y).

Qarorga muvofiq, budjet tashkilotlarida ishlaydigan xodimlarga moddiy rag‘batlantirish maxsus jamg‘armasi, OTMlarning moddiy rag‘batlantirish jamg‘armasi hamda direktor jamg‘armasi mablag‘lari hisobidan to‘lovlar hisoblanishining to‘xtatib turilishi 2020-yil 1-oktabrdan 2021-yil 1-yanvarga qadar uzaytirildi (tibbiyot, tibbiy-ijtimoiy muassasalari, mehribonlik uylaridan hamda mehnatga haq to‘lashning 1-3 razradlari qo‘llaniladigan xodimlardan tashqari).

Shuningdek, Inqirozga qarshi kurashish jamg‘armasi mablag‘lari hisobiga amalga oshirilishi rejalashtirilgan 224 mlrd 288 mln so‘m xarajatlar maqbullashtirildi.

Qarorga ko‘ra:

- Qoraqalpog‘iston Respublikasi budjeti, viloyatlar va Toshkent shahar mahalliy budjetlarining tasdiqlangan daromadlar prognozining bajarilmasligi hisobiga xarajatlarning maqbullashtirilgan qismi – respublika budjetiga;

- ushbu qarorga muvofiq maqbullashtirilgan mablag‘lar – Inqirozga qarshi kurashish jamg‘armasiga o‘tkaziladi.

Qaror bilan respublika va mahalliy budjetlardan maqbullashtiriladigan xarajatlar tasdiqlandi.

Yangiliklar lentasi
0