TOShKENT, 22 sen — Sputnik. O‘zbekistonda xizmat ko‘rsatgan artist Shuhrat Qayumov 51 yoshida vafot etdi. Bu haqda Madaniyat vazirligi matbuot xizmati xabar qilmoqda.
Xonanda 1969-yilda Toshkentda tavallud topgan. Shuhrat Qayumov uzoq yillar "O‘zbekiston" teleradiokanalida "Assalom, O‘zbekiston", "Ohangrabo" ko‘rsatuvlarini tayyorlab, muxlislar qalbidan joy olgan.
Xonandaning o‘lim sabablari ochiqlanmagan.
Sputnik tahririyati Shuhrat Qayumovning oila-a’zolari va barcha yaqinlariga hamdardlik bildirib, chuqur ta’ziya izhor etadi.