TOShKENT, 29 sen - Sputnik. Bosh vazir Abdulla Aripov boshchiligidagi O‘zbekiston delegatsiyasya 29-sentabr kuni Tojikiston poytaxtiga yetib keldi, deb xabar qilmoqda O‘zA.
Tashrif kun tartibida Hukumatlararo komissiyaning Savdo-iqtisodiy hamkorlik bo‘yicha 7-yig‘ilishi bo‘lib o‘tishi hamda O‘zbekiston – Tojikiston ishbilarmonlari biznes-forumi va Ishbilarmonlar kengashining yig‘ilishini o‘tkazish ko‘zda tutilgan.
Hukumatlararo komissiya kun tartibida savdo-iqtisodiy, transport-kommunikatsiya, energetika, qishloq va suv xo‘jaligi hamda madaniy-gumanitar sohalarida va boshqa ustuvor yo‘nalishlarda ikki tomonlama amaliy hamkorlikni kengaytirishning dolzarb masalalari muhokama qilish rejalashtirilgan.
Dushanbe xalqaro aeroportida O‘zbekiston Respublikasi Bosh vazirini Tojikiston Respublikasi Bosh vaziri o‘rinbosari Davlatsho Gulmuhammadzoda kutib oldi.