Har bir tadbirkor standartni bilishi kerak - Shavkat Mirziyoyev

© Press-slujba prezidenta UzbekistanaShavkat Mirziyoyev podpisivayet dokumenti.
Shavkat Mirziyoyev podpisivayet dokumenti. - Sputnik O‘zbekiston
Obuna bo‘lish
Prezident kelgusi yilda mahalliy ishlab chiqarish uyg‘unlik darajasini 50 foizga yetkazish vazifasi belgiladi.

TOShKENT, 29 sen - Sputnik. O‘zbekiston korxonalari tomonidan ishlab chiqarilgan mahsulotlar yil sayin sifati yaxshilanib, xalqaro standartlarga mos qilinmoqda. Bu haqida 28-sentabr kuni prezident huzurida bo‘lib o‘tgan standartlashtirish, sertifikatlash va metrologiya tizimidagi islohotlar muhokamasiga bag‘ishlangan yig‘ilishda aytib o‘tildi.

Rossiyada ishlab chiqarilgan halol mahsulot - Sputnik O‘zbekiston
O‘zbekistonda "Halol" mahsuloti davlatlararo standart loyihasi muhokamaga qo‘yildi

Ma’lum bo‘lishicha, ayni damda Respublikada ishlab chiqarilayotgan mahsulotlarning 43% xalqaro meyorlarga muvofiqlashtirilgan. Qabul qilingan standartlar soni 12 mingtaga yetgan va bu albatta eksport miqdorini oshirishga xizmat qilmoqda. 

Yig‘ilishda prezident tomonidan 2021-yil yakuniga qadar xalqaro standartlar sonini 14 mingtaga, uyg‘unlik darajasini 50 foizga yetkazish vazifasi belgilandi va xalqaro standartlarni joriy etish mahsulot eksporti uchun muhim vazifa ekani qayd etildi. 

– Agar mahsulot xalqaro sertifikatga ega bo‘lmasa, u hech qachon raqobatbardosh bo‘la olmaydi. Mamlakatda har bir tadbirkor standartni bilishi, tanishi kerak, shunday muhit yaratish zarur, – dedi Shavkat Mirziyoyev.

Shunigdek, nafaqat to‘qimachilik sohasida, balkim oziq-ovqat va avtomobil ehtiyot qismlari, qurilish materiallari ishlab chiqarish sohalarida ham 5 mingga yaqin eski standartlarni bekor qilib, zamonaviy xalqaro standartlarni joriy etish taklif qilindi.   

 

Yangiliklar lentasi
0