TOShKENT, 3 okt - Sputnik. 2-oktabrdan Toshkent shahrida 276 ta umumta’lim maktabida an’anaviy darslar yo‘lga qo‘yiladi, deb xabar bermoqda Toshkent shahar XTBB matbuot xizmati.
Avvalroq, Sanitariya-epidemiologiya osoyishtalik markazlari, tibbiyot birlashmalarining xulosalari, o‘qituvchilarni koronavirus ko‘rsatkichi hamda Xalq deputatlari tuman Kengashlarining tegishli qarorlari bilan pandemiya sharoitida Toshkent shahridagi umumta’lim muassasalarida ta’lim jarayonlarini bosqichma-bosqich 2020-yil 14-sentabrdan 268 ta ta’lim muassasalari an’anaviy tarzda o‘z faoliyatini boshlagani to‘g‘risida xabar bergan edik.
2020 yil 2-oktabr holatiga Toshkent shahridagi 318 ta umumta’lim muassasalaridan quyidagi 276 tasi an’anaviy tarzda faoliyat ko‘rsatadi:
Toshkent shahridagi boshqa umumiy o‘rta ta’lim maktablari sanitar va tibbiy tayyorgarligi holatidan kelib chiqib, o‘z faoliyatini an’anaviy tarzda boshlagunga qadar onlayn tarzda, ya’ni "Onlayn-maktab" loyihasi doirasidagi televizion darslar orqali dars mashg‘ulotlarini amalga oshiradi.
Fursatdan foydalanib, yana bir bor ota-onalardan mazkur jarayonga mas’uliyat bilan yondoshishlarini, an’anaviy shaklda faoliyatini boshlayotgan maktablar jamoasidan sanitariya qoidalariga qat’iy rioya qilish, farzandlarimiz va yaqinlarimiz salomatligini saqlashlarini so‘rab qolamiz.
