Jamiyat

Toshkentda “avtomoyka” xodimlarini ishga qabul qilishda tekshirish kuchaytiriladi

© Sputnik / Aleksandr Kryajev / Fotobankka oʻtishAvtomoyka
Avtomoyka - Sputnik Oʻzbekiston
Poytaxtda avtomobilni oʻz maqsadida ishlatish, olib qochish kabi jinoyatlarning oldini olish maqsadida ishga qabul qilinayotgan xodimlar toʻgʻrisidagi maʼlumotlar batafsil tekshiriladi.

TOSHKENT, 1 noya — Sputnik. Toshkentda avtomashina yuvish shoxobchasiga ishga kirmoqchi boʻlganlar toʻgʻrisidagi maʼlumotlarni tekshirish kuchaytiriladi. Bu transport vositalarini oʻz maqsadida ishlatish, olib qochish kabi jinoyatlarning oldini olish maqsadida amalga oshiriladi.

Rabota avtomobilnoy moyki. Arxivnoye foto - Sputnik Oʻzbekiston
Hodisalar
Buxoroda oyparastlik xastaligiga chalingan yigit mashinani olib qochdi

Bu haqda Toshkent shahar IIBB boshligʻi oʻrinbosari polkovnik Murodilla Aliqoriyev poytaxtdagi avtomashina yuvish va shu kabi xizmatlar koʻrsatish bilan shugʻullanuvchi 217 ta tashkilotlar vakillari bilan uchrashuvida maʼlum qilindi.

Poytaxt IIBB matbuot xizmati xabariga koʻra, tashkilot rahbarlari ular ishga olayotgan shaxslar uchun masʼulliklari haqida ogohlantirildi. Ishchilarning masʼuliyat hududini belgilash, maʼlumotlarini qayd etish ham rahbarning vazifasi ekanligi qayd etildi.

“Shu bilan birga ishchilarni mijozning avtomobili kalitini olishlariga yoʻl qoʻymasdan, buning oʻrniga barcha mijozlardan kalitlarni oluvchi bitta masʼul shaxsni tayinlash tavsiya etildi”, - deyilgan xabarda.

Tashkilotlar rahbarlari oʻz navbatida ishga qabul qilinayotgan shaxslarning maʼlumotlarini tekshirish qiyinligi, bunda hududiy ichki ishlar organlarining yordamlari kerakligini aytishdi.

“Mazkur iltimos qondirildi, endi avtomobil yuvish shoxobchasi rahbari profilaktika inspektorlari bilan birgalikda ishga olinayotgan shaxslarning maʼlumotlari haqqoniyligini tekshirishi mumkin”, - deyilgan xabarda.

Xabarda ishga olinayotgan shaxs qidiruvda emasligi, xususan, ilgari avtomobil olib qochmaganligi tekshirilishi qoʻshimcha qilingan.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala