Video

Rossiya tinchlikparvar kuchlari Togʻli Qorabogʻga yetib keldi - video

Rossiyaning 1960 nafar askar, 90 ta bronetransporter va 380ta avtomobillar va boshqa texnikadan iborat tinchlikparvar kuchlari Togʻli Qorabogʻga yetib keldi.

Rossiya, Armaniston va Ozarbayjon kelishuviga koʻra, bugun 10 ta Il-76 harbiy samolyot yordamida Rossiya tinchlikparvar kuchlari Togʻli Qorabogʻga yetib keldi. Rossiya harbiylarining Togʻli Qorabogʻga yetib kelish kadrlarini RIA Novosti tarqatdi. 

Eslatib oʻtamiz, bir kun oldin 3 davlat rahbariyati 10 noyabr soat 00:00 dan boshlab Togʻli Qorabogʻ hududida barcha jangovar harakatlarni toʻxtatishga kelishib olishgan edi.

Shuningdek, shartnomaga muvofiq Armaniston 15 noyabrga qadar Ozarbayjonga Kelbajar tumanini, ushbu yilning 1 dekabriga qadar - Lachin tumanini qaytarib berishi kerak. Shu bilan bir vaqtda kengligi 5 km boʻlgan Lachin koridori Armaniston ixtiyorida qoladi. Ushbu koridor orqali Togʻli Qorabogʻ bilan aloqa bogʻlanib turiladi. Bu koridor Shusha shahri orqali oʻtmaydi. 

Rossiya tinchlikparvar kuchlari Togʻli Qorabogʻda 5 yil muddatga qoladi, keyinchalik ushbu muddat uzaytirilishi mumkin. Ushbu shartnoma Boku va Yerevan talabiga binoan bekor qilinishi mumkin.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala