TOShKENT, 26 noya — Sputnik. Sputnik O‘zbekiston respublikadagi epidemiologik vaziyat to‘g‘risida asosiy xabarlarni to‘pladi.
26 noyabr coat 13:00 ga qadar 62 kishida koronavirus aniqlandi, O‘zbekistonda koronavirus infeksiyasi qayd etilganlar soni 72 289 nafarni tashkil qilmoqda.
Yangi kasallanish holatlarining: Andijon viloyatida 2 nafar, Qashqadaryo viloyatida 7 nafar, Namangan viloyatida 5 nafar, Toshkent viloyatida 41 nafar, Toshkent shahrida 7 nafar koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.
Sog‘ayish ko‘rsatkichi
Respublika bo‘ylab jami sog‘ayganlar soni 69 477 nafarga yetdi. Sog‘ayish ko‘rsatkichi 96 foiz.
Ayni paytda 2 206 nafar bemorga belgilangan standartlar bo‘yicha davo choralari ko‘rilmoqda.
O‘lim holatlari
O‘zbekistonda jami 606 kishi pandemiya qurboni bo‘ldi.
Polshadan yordam
Polsha koronavirusga qarshi kurashish uchun O‘zbekistonga gumanitar yordam yubordi. Maxsus samolyotda shaxsiy himoya vositalari, dezinfeksiya vositalari, termometrlar va dori-darmonlari olib kelindi. Yukning qiymati 214 ming dollar.
Dunyo salomatligi
Dunyo bo‘ylab infeksiyani yuqtirib olgan kishilarning soni 60,4 milliondan oshdi, 1,4 milliondan ortiq kishi vafot etdi, 38,7 milliondan ortiq kishi tuzaldi. Eng ko‘p holatlar AQShda (12,8 mln), Hindistonda (9,3 mln), Braziliyada (6,2 mln).
