TOShKENT, 3 dek — Sputnik. Koronavirus hech qachon yo‘q qilinmaydi, vaksina qilingan taqdirda ham u mavsumiy kasallik sifatida saqlanib qoladi, deb hisoblaydi Angliya bosh vrachining o‘rinbosari Jonatan Van Tam. RIA Novosti xabariga asosan.
Buyuk Britaniya chorshanba kuni koronavirusga qarshi vaksinani sertifikatladi.
Mamlakat Sog‘liqni saqlash vazirligi Pfizer va BioNTech kompaniyalari yaratgan vaksinadan foydalanishga ruxsat olganini ma’lum qildi. Keyingi haftda vaksinani Buyuk Britaniyada olsa bo‘ladi.
Ommaviy emlash 2021-yilning bahorida boshlanadi, may oyida aholining eng zaif toifalari, shifokorlar, ijtimoiy ishchilar va qariyalar vaksinani oladi.
"Koronavirus hech qachon yo‘q qilinmaydi, deb o‘ylayman, u mavsumiy muammo bo‘lib qolishi mumkin deb o‘ylayman ... biz o‘rgangan odatlar - niqob va sanitayzerlar - saqlanib qolinishi mumkin", - dedi Van Tam chorshanba kuni brifingda.
Mutaxassisning fikriga ko‘ra, ventilyatsiyasi yomon bo‘lgan xonalar, odamlar zich joylashgan xonalar eng xavfli bo‘lib qolmoqda.
