Jamiyat

Oʻzbekistonda Xitoy vaktsinasi sinovlari boshlandi: birinchi boʻlib kimlar emlandi

© Sputnik / Aleksey Danichev / Fotobankka oʻtishProizvodstvo vaktsinы
Proizvodstvo vaktsinы - Sputnik Oʻzbekiston
Oʻzbekistonda Xitoy kompaniyasi ishlab chiqqan koronavirusga qarshi vaktsinaning uchinchi bosqich klinik sinovlari boshlandi. U uchun jami 5 ming nafar koʻngillilar tanlab olingan.

TOSHKENT, 10 dek — Sputnik. Innovatsion rivojlanish vazirligi binosida Oʻzbekistonda yangi koronavirus rekombinant vaktsinasi (CHO hujayra) xalqaro klinik sinovlarining uchinchi bosqichi boshlanishiga bagʻishlangan marosim oʻtkazildi.

“Innovatsion rivojlanish hamda Sogʻliqni saqlash vazirliklari tomonidan Xitoyning Xitoy Fanlar akademiyasi Mikrobiologiya institutining ishlanmasi asosida “Zhifei Longcom Biopharmaceutical Co., Ltd” kompaniyasi  ishlab chiqqan koronavirusga qarshi vaktsinaning uchinchi bosqich klinik sinovlarini oʻtkazish ishlari boshlandi”, - deyilgan vazirlik xabarida.

Taʼkidlanishicha, Xitoydagi Oʻzbekiston elchixonasi yordamida Oʻzbekistonga “Zhifei” kompaniyasi tomonidan 6000 dona sinov vaktsinasi (50% haqiqiy vaktsina, 50 % platsebo), 12 ming dona PZR testlar, 8 ming dona antitanalarni aniqlovchi testlar xamda barcha ishlatiladigan yordamchi materiallar (shprits, niqob, koʻzoynak, krioprobirkalar, homiladorlik testlari) olib kelindi.

Oʻzbekiston Xitoy bilan birgalikda vaktsina ishlab chiqishda ishtirok etadi

Klinik sinovlarni oʻtkazish uchun jami 5 ming nafar koʻngillilar tanlab olingan. Jarayonning etik jihatlarini eʼtiborga olgan holda koʻngillilarning shaxsi oshkor qilinmasligiga kelishilgan.

Innovatsion rivojlanish vazirligi rahbariyatining 20 ta koʻngilli oila aʼzolari Xitoydan olib kelingan rekombinant vaktsina bilan birinchi dozada emlandi.

Eslatib oʻtamiz, avvalroq Oʻzbekistonda COVID-19 ga qarshi Xitoy vaktsinasining klinik sinovlari oʻtkazilishi xabar qilingan edi. Oʻzbekiston sogʻliqni saqlash vaziri Abduhakim Xadjibayev Sputnik Oʻzbekiston muxbiri bilan suhbatda ushbu vaktsina namunalari Oʻzbekistondagi farmqoʻmitasida zarur sinovlardan oʻtgandan keyin odamlarda sinov koʻrish boshlashini maʼlum qilgan edi.

Bundan tashqari, 4 dekabr kuni Rossiya sanoat va savdo vaziri Denis Manturov Oʻzbekistonga shaxsan COVID-19ga qarshi "Cputnik V" vaktsinasi namunalarini olib kelgan edi. Namunalar ular sinovlardan oʻtkazilishi uchun Oʻzbekiston tomoniga topshirilgan. Shundan soʻng vaktsina roʻyxatdan oʻtkazilishi va Oʻzbekiston hududida ishlab chiqarilishi yoʻlga qoʻyilishi kutilmoqda.

SSV biror mamlakatning vaktsinasi ijobiy koʻrsatkichlar qayd etgani ilmiy isbotlansagina, uni xarid qilish, sotib olingan vaktsinani saqlash va tashish bilan bogʻliq masalalar tegishli mezonlar asosida koʻrib chiqishini taʼkidlagan.

Yangiliklar lentasi
0
Avval yangilariAvval eskilari
loader