Mirziyoyev Turkmaniston prezidenti bilan muloqot qildi

© Sputnik / Ramiz BaxtiyarovPreziden Shavkat Mirziyoyev prinyal v rezidensii Kuksaray Turkmenbashi Gurbanguli Berdimuxammedova
Preziden Shavkat Mirziyoyev prinyal v rezidensii Kuksaray Turkmenbashi Gurbanguli Berdimuxammedova - Sputnik O‘zbekiston
Obuna bo‘lish
Muloqot chog‘ida ikki tomonlama hamkorlikka oid va xalqaro ahamiyatga molik dolzarb masalalar ko‘rib chiqildi.

TOShKENT, 12 dek - Sputnik. O‘zbekiston prezidenti Shavkat Mirziyoyev Turkmaniston prezidenti Gurbanguli Berdimuhamedov bilan telefon orqali muloqot qildi. Suhbat har doimgidek samimiy va do‘stona ruhda o‘tdi, deb xabar bermoqda prezident matbuot-xizmati.

Prezident Uzbekistana Shavkat Mirziyoyev uchastvuyet v videozasedanii Visshego soveta YeAES - Sputnik O‘zbekiston
Mirziyoyev O‘zbekiston YeOIIga integrallashuvdan nimani kutayotgani haqida

Suhbat avvalida davlatimiz rahbari Turkmaniston yetakchisi va qardosh turkman xalqini ushbu mamlakat Betarafligining 25-yilligi bilan samimiy muborakbod etib, tinchlik, farovonlik, taraqqiyot va ravnaq tiladi.

Muloqot chog‘ida ikki tomonlama hamkorlikka oid va xalqaro ahamiyatga molik dolzarb masalalar ko‘rib chiqildi.

Prezidentlar O‘zbekiston va Turkmaniston o‘rtasidagi ko‘p asrlik do‘stlik, yaxshi qo‘shnichilik va strategik sheriklik munosabatlarida yuksak darajaga erishilgani va bugun ular jadal sur’atda rivojlanib borayotganini katta mamnuniyat bilan qayd etdilar.

Savdo, sanoat kooperatsiyasi, qishloq xo‘jaligi, energetika, transport va tranzit, hududlararo rishtalar va gumanitar dasturlar kabi muhim sohalardagi hamkorlikning ustuvor yo‘nalishlari belgilandi.

Shavkat Mirziyoyev priglasil Ilxoma Aliyeva v Uzbekistan - Sputnik O‘zbekiston
Mirziyoyev Ilhom Aliyev bilan muloqot qildi

Amaliy hamkorlikning yangi shakllarini yo‘lga qo‘yishga hamda koronavirus infeksiyasi tarqalishiga qarshi kurash borasida tadqiqotlar o‘tkazish maqsadida qo‘shma tuzilma tashkil etishga kelishib olindi.

Oliy darajada erishilgan kelishuvlarni so‘zsiz ro‘yobga chiqarishda qo‘shma Hukumatlararo komissiyaning samarali ishi va faol idoralararo muloqot muhim o‘rin tutishi alohida ta’kidlandi.

Davlat rahbarlari jahondagi vaziyat yuzasidan fikr almashdilar, Birlashgan Millatlar Tashkiloti va boshqa xalqaro tuzilmalar doirasidagi an’anaviy yaqin muloqotlarni va o‘zaro qo‘llab-quvvatlashni davom ettirishga kelishib oldilar.

Prezidentlar mintaqaviy hamkorlik istiqbollariga alohida to‘xtaldilar, shuningdek, bo‘lajak MDH sammitiga tayyorgarlikni muhokama qildilar.

Yangiliklar lentasi
0