TOShKENT, 14 dek — Sputnik. Jurnalist Masix Alinejad aktrisa Anjelina Jolidan uning “zombi-versiyasi”– eronlik Instagram yulduzi Fotima Xishvandga (Saxar Tabar ismi bilan tanilgan) yordam so‘rab videomurojaat e’lon qildi.
Jurnalist so‘zlariga ko‘ra, Fotima 10-yilga ozodlikdan mahrum etildi.
I call on Angelina Jolie to help an Iranian 19-year-old girl who received 10 years prison sentence for using makeup & Photoshop to turn herself into Angelina.
— Masih Alinejad 🏳️ (@AlinejadMasih) December 11, 2020
Islamic Republic has a history of tormenting women. We need to be united against this gender apartheid pic.twitter.com/Z5Y8yMsY76
"Men 19 yoshli qiz 10-yilga ozodlikdan mahrum etilganini bildim. Uning "jinoyati"- fotoshop yordamida o‘zini Anjelina Jolining zombi versiyasiga aylanishi. U atigi 19 yoshda, u yosh, u shunchaki Instagramda hazil qilmoqchi bo‘ldi. Endi u 10-yilga qamoqda! Onasi har kuni yig‘laydi, qizining aybi yo‘q. Biz ularga yordam berolmaymiz. Siz, Anjelina Joli, bizga yordam bera olasiz, jamoatchilik oldida bayonot bilan chiqishingiz mumkin", - deydi Alinejad.
Daily Mail gazetasi yozishicha, 2019-yil 5-oktabrda Fotima Xishvand Instagram’da mashhur bo‘lgan uch nafar ayol bilan birga hibsga olingan.
Posmotret etu publikatsiyu v Instagram
Alinejad qizning advokati bilan gaplashganini aytdi. Uning so‘zlariga ko‘ra, mijoz "jamiyatdagi korrupsiyani targ‘ib qilgani" uchun 10-yilga ozodlikdan mahrum qilingan.
Qayd etilishicha, Xishvand shirk keltirish, zo‘ravonlikka undash, nomaqbul yo‘llar bilan daromad topish va yoshlar orasida korrupsiyani targ‘ibot qilishda ayblangan.
Fotima Xishvand 2017-yilda mashhur bo‘lgan: o‘sha vaqtda OAVlarda u Anjelina Joliga o‘xshash uchun 50 ta jarrohlik amaliyotidan o‘tgani haqida ma’lumot tarqatgan. Qiz jarrohlik amaliyotidan o‘tmagani, faqat fotoshop yordamida fotosuratlarni tahrir qilganini aytdi. Bundan tashqari, u Joli bilan emas, balki "Jasad kelini" nomli multfilmi personajiga o‘xshashmoqchi bo‘lganini aytadi.
