Sport

Otabek Umarov Osiyo Olimpiya Kengashining vitse-prezidenti etib saylandi

© Sputnik / Ramiz BaxtiyarovOtabek Umarov
Otabek Umarov - Sputnik Oʻzbekiston
Osiyo Olimpiya Kengashi Ijroiya qoʻmitasi yigʻilishida Otabek Umarov nomzodi bir ovozdan maʼqullandi va u tashkilot vitse-prezidenti etib rasman saylandi.

TOSHKENT, 16 dek — Sputnik. Oʻmonda boʻlib oʻtgan Osiyo Olimpiya Kengashi Ijroiya qoʻmitasi yigʻilishida Otabek Umarov OOK vitse-prezidenti etib saylandi. Bu haqda Milliy olimpiya qoʻmitasi matbuot xizmati xabar qilmoqda.

Avvalroq Oʻzbekiston 2025 yil IV yoshlar Osiyo oʻyinlarini qabul qilishi evaziga birinchi marta oʻz vakilini olimpiya harakatiga masʼul boʻlgan tashkilot rahbariyatiga nomzod sifatida taklif etish imkoniga ega boʻlgani maʼlum qilingan edi.

“Toshkentda oʻtadigan 2025 yilgi yoshlar Osiyo oʻyinlarini oʻtkazish Yangi Oʻzbekiston uchun jahon hamjamiyati oldidagi jiddiy sinovlardan biri. Muhtaram Prezidentimiz va hukumatimizning qoʻllab-quvvatlashi bilan ushbu musobaqani yuqori saviyada tashkil qilishga bor kuch va gʻayratimizni ishga solamiz”, – dedi Otabek Umarov.

16 dekabr kuni Maskatda Osiyo Olimpiya kengashining Bosh Assambleyasi yigʻilishi boʻlib oʻtadi. Assambleya doirasida OOK va Oʻzbekiston tomoni oʻrtasida 2025 yil yoshlar Osiyo oʻyinlarini Toshkentda oʻtkazish boʻyicha shartnoma imzolash marosimi boʻlib oʻtadi.

Otabek Umarov nomzodi OOK vitse-prezidentligiga ilgari surildi

Eslatib oʻtamiz, avvalroq Otabek Umarov Oʻzbekiston nomidan OOK vitse-prezidentligiga nomzod sifatida ilgari surilgani xabar qilingan edi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala