Jamiyat

Oʻzbekiston Inson kamoloti indeksida yuqoriladi

© Sputnik / Ramiz BaxtiyarovPloщad Drujbы narodov
Ploщad Drujbы narodov - Sputnik Oʻzbekiston
Oʻzbekiston Inson kamoloti indeksida (Human Development Indicators) ikki pogʻona yuqorilab, 189 mamlakati ichida 106-oʻrinni egalladi.

TOSHKENT, 16 dek — Sputnik. Oʻzbekiston Inson kamoloti indeksida (Human Development Indicators) ikki pogʻona yuqorilab, 106-oʻrinni egalladi. Bundan Birlashgan Millatlar Tashkilotining Taraqqiyot Dasturi (BMTD) hisoboti darak bermoqda.

Iqtisodiy taraqqiyot va kambagʻallikni qisqartirish vazirligi xabariga koʻra, hisobotning Inson kamoloti indeksi inson taraqqiyoti yoʻlida 3 ta asosiy omillar — uzoq va sogʻlom hayot kechirish, bilim olish va munosib turmush darajasi boʻyicha eʼlon qilinadigan statistik maʼlumotlar toʻplami hisoblanadi.

Oʻzbekiston joriy hisobotda dunyoning 189 mamlakati ichida indeks qiymati 0,720 (maksimal indeks qiymati 1,000) bilan 106-oʻrinni egallab, 2019 yildagi hisobot natijalariga nisbatan +2 oʻringa va +0.01 indeks qiymatlari bilan yaxshilandi.

Mamlakat natijalari quyidagicha:

  • aholining tugʻilganda kutilayotgan umr koʻrish davomiyligini belgilaydigan umr koʻrish davomiyligi indeksi 71,7 yilni tashkil etadi (+0,1 yil oʻsish);
  • taʼlim indeksining taʼlimning oʻrtacha davomiyligi 11,8 yil (+0,3 yil ijobiy oʻzgarish) va kutilayotgan taʼlim davomiyligi 12,1 yilni (+0,09 yil ijobiy oʻzgarish) tashkil etgan;
  • xarid qobiliyati pariteti boʻyicha aholi jon boshiga YAMD miqdori $7142 ni tashkil etib oʻtgan yilga nisbatan $680 ga oʻsgan.

Ushbu hisobot BMT Taraqqiyot Dasturi tomonidan 1990 yildan boshlab nashr qilinadi. Oʻzbekistonning koʻrsatkichlari 1993 yildan buyon qayd etib kelinmoqda. Inson kamoloti indeksining 2020 yilgi hisobotida 2019 yil yakunlari tahlil qilinadi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala