TOShKENT, 17 dek — Sputnik. “Rosselxoznadzor” 18-dekabrdan boshlab Rossiya Federatsiyasi hududiga O‘zbekistonning Farg‘ona viloyatidan yettita korxonadan pomidor va qalampirni olib kirishga ruxsat berdi, ularning mahsulotlarida YeOIIga a’zo-davlatlar uchun karantin obyektlari mavjud emas, shuningdek, 2020-yilda pomidor mevalaridagi jigarrang burushiqlik virusi aniqlanmadi.
Mazkur qaror O‘zbekiston Vazirlar Mahkamasi huzuridagi O‘simliklar karantini davlat inspeksiyasi tomonidan respublikaning ko‘rsatilgan mintaqasidagi ishlab chiqarish maydonlarini o‘rganish va issiqxonalar holatini tahlil qilish natijalari to‘g‘risida ma’lumot asosida qabul qilindi.
Eslatib o‘tamiz, ilgariroq Rosselxoznadzor 26-noyabr kuni Farg‘ona viloyati va 4 dekabr kuni Navoiy viloyatidan Rossiyaga olib kelinadigan pomidor va qalampirlarga ham taqiq qo‘ygandi. 11-dekabrdan esa Qashqadaryo viloyatidan olib kelinadigan pomidor va qalampirga taqiq kiritdi.
