Finlyandiya navoiylik oʻquvchilar uchun oʻqishga grant ajratdi

Finlyandiya tomoni har bir oʻquvchiga mamlakatda 3 yil davomida yashash, ovqatlanish va oʻqish uchun 40 ming yevro miqdorida grant ajratadi.

TOSHKENT, 19 dek - Sputnik. Finlyandiyaning Lappeyenranta shahri va Navoiy viloyati oʻrtasida oʻzaro anglashuv memorandumini imzolash boʻyicha yuqori darajadagi uchrashuv boʻlib oʻtdi, deb xabar qilmoqda Taʼlim inspektsiyasi matbuot-xizmati.

Muzokaralar yakunida Lappeyenranta shahri va Navoiy viloyati oʻrtasida oʻzaro anglashuv memorandumi imzolandi.

Unga koʻra, Navoiy viloyatidan 2 nafar 9-sinf bitiruvchi oʻquvchisi Lappeyenranta shahriga kelib, 3 yil davomida taʼlim olishi mumkin. Finlyandiya tomoni har bir oʻquvchiga mamlakatda 3 yil davomida yashash, ovqatlanish va oʻqish uchun 40 ming yevro miqdorida grant ajratadi.

Shuningdek, finlyandiyalik oʻquvchilar ham Navoiy viloyatiga kelib oʻqishlari mumkin boʻladi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala