Asaka zavodi faolyati 2021 yil yanvarda vaqtincha toʻxtatiladi

Oʻzbekistonda barcha hududlaridagi Shevrole dilerlik tarmogʻi yangi standartlarga oʻtkaziladi. Yangi standartlarga javob bermaydigan dilerlarning dilerlik shartnomalari bekor qilinadi.

TOSHKENT, 23 dek - Sputnik. Uzavto Oʻzbekistonda yangi Chevrolet standartlarini joriy etmoqda, deb xabar qildi Oʻzavtosanoat matbuot-xizmati.

Chevrolet Spark - Sputnik Oʻzbekiston
Iqtisod
UzAuto Motors Rossiyada Chevrolet sotuvini qayta yoʻlga qoʻydi

"UzAuto mijozlar tomonidan bildirilgan fikrlar va mulohazalar bilan ishlashni davom ettirmoqda hamda ijobiy tomonga oʻzgarishlar qilish uchun barcha imkoniyatlarni ishga solmoqda. GM kompaniyasidagi hamkorlar bilan samarali ishlar olib borib, natijada UzAuto Motors rasman BIQ4 (build in quality) sifat standartlari sertifikatini qoʻlga kiritdi. Kelgusi yaqin yillarda DjiEm tizimidagi eng yuqori BIQ NEXT sifat darajasini olish maqsad qilib olindi. Sifat standartlariga boʻlgan talabning oshishi barcha Chevrolet modellariga bevosita taʼsir qiladi, shu sababli ishlab chiqarishda barcha zarur modernizatsiya jarayonlarini amalga oshirish maqsadida 2021 yil yanvar oyida Asaka zavodi faolyatini vaqtincha toʻxtatish rejalashtirilgan", - deyiladi xabarda.

Respublikaning barcha hududlaridagi Shevrole dilerlik tarmogʻi yangi standartlarga oʻtkaziladi. Bundan avval dilerlik tarmogʻini Chevrolet brendiga oʻtkazish ishlari eksport bozorlarida boshlangan edi. Bu oʻzgarishlar dilerlik markazlarini yangi Chevrolet brendbukiga muvofiq qayta jihozlashni oʻz ichiga olib, amalga oshirilayotgan ishlarni davom ettirish uchun zarur sharoit boʻlib xizmat qiladi. Yangi standartlarga javob bermaydigan dilerlarning dilerlik shartnomalari bekor qilinadi.

Bundan tashqari, dilerlik tarmogʻi tamonidan taqdim etilayotgan xizmatlarning sifati xam oshiriladi, yuqori darajadagi kafolatlangan xizmat joriy etiladi. Ushbu xizmatlarning sifat darajasi kadrlarni tayyorlash, sodiqlik dasturlarini joriy qilish, mijozlarning fikrlarini oʻrganish va boshqa koʻplab amalga oshirilayotgan ishlar evaziga oshirib boriladi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala