Roʻyxatdan oʻtish muvaffaqiyatli boʻldi!
Iltimos, ga joʻnatilgan xatdagi havolaga oʻting
Rossiya

Oʻzbekistonliklarni Rossiyaga ishga jalb qilish masalalari muhokama etilmoqda

© Tashqi mehnat migratsiyasi agentligi Oʻzbekistonliklarni Rossiyaga ishga jalb qilish masalalari muhokama etilmoqda
Oʻzbekistonliklarni Rossiyaga ishga jalb qilish masalalari muhokama etilmoqda - Sputnik Oʻzbekiston
Oʻzbekiston delegatsiyasi fuqarolarni tashkillashtirilgan holda Rossiyaga ishga jalb qilish masalalarini muhokama qilish va qator kelishuvlarga erishishi maqsadida ushbu mamlakatda boʻlib turibdi.

TOSHKENT, 24 dek — Sputnik. Oʻzbekiston fuqarolarini Rossiyaga tashkillashtirilgan holda ishga jalb qilish masalalari muhokama etilmoqda. Bu haqda Tashqi mehnat migratsiyasi agentligi xabar qilmoqda.

Oʻzbekiston delegatsiyasi Rossiyada vaqtinchalik mehnat faoliyatini amalga oshirayotgan oʻzbekistonliklarni har tomonlama qoʻllab-quvvatlash, pandemiya vaqtida epidemiologik vaziyatga rioya qilgan holda Oʻzbekistondan fuqarolarni tashkillashtirilgan holda Rossiyaga ishga jalb qilish masalalarini muhokama qilish va qator kelishuvlarga erishishi maqsadida ushbu mamlakatda boʻlib turibdi.

Delegatsiya Vazirlar Mahkamasi huzuridagi Xorijda vaqtinchalik mehnat faoliyatini amalga oshirayotgan Oʻzbekiston fuqarolari huquqlarini himoya qilish va xalqaro iqtisodiy hamkorlik masalalari departamenti, Bandlik va mehnat munosabatlari vazirligi rahbariyatidan iborat.

Migrantы - Sputnik Oʻzbekiston
Migratsiya
Putin xorijlik hamkasblari bilan migrantlar bilan bogʻliq vaziyatni muhokama qiladi

Tashrif doirasida Rossiya SSVda tashkil etilgan uchrashuvda patent olishda talab etiladigan OITS tahlili, sifilis, flyuorografiya, qon tahlili, psixotrop moddalar tahlili kabi yoʻnalishlar boʻyicha tibbiy maʼlumotnomani Oʻzbekistonda olishni joriy etish yuzasidan vakolatli markazlar ochishning tashkiliy masalalari muhokama etildi.

Shuningdek, Oʻzbekiston delegatsiyasining “Yurinvestxolding” kompaniyasi rahbariyati bilan boʻlib oʻtgan uchrashuvida Rossiya hududidagi oʻzbekistonlik mehnat migrantlari huquqlarini himoya qilish masalalari muhokama qilindi.

Rossiyaning 7 ta hududida Oʻzbekiston fuqarolari uchun kasbiy malaka va rus tilini oʻqitish dasturini rivojlantirish hamda 2021 yilda ushbu kurslarga jalb etiladigan fuqarolar qamrovini kengaytirish masalalari koʻrib chiqildi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala