TOShKENT, 28 dek — Sputnik. 11 ming dona “Prezident sovg‘asi” O‘zbekiston hududlariga jo‘natildi. Bu haqda Xalq ta’limi vazirligi matbuot xizmati xabar qilmoqda.
Mehribonlik uylari tarbiyalanuvchilari, ota-ona qarovisiz qolgan bolalar, ota-onalari Vatan sarhadlarini himoya qilish yo‘lida qurbon bo‘lgan 3-15 yoshdagi bolalar hamda ijtimoiy himoyaga muhtoj oilalar farzandlari uchun 11 000 dona “Prezident sovg‘asi” tayyorlanib hududlarga yuborilmoqda.
“Prezident sovg‘asi” tarkibiga 20 turdagi shirinlik, 3 turdagi o‘quv qurollari va 2 turdagi jihozlar kiritilgan.
O‘zbekiston prezidenti nomidan hozirlangan sovg‘alar hududiy hokimliklar ishtirokida joriy yilning 29-30 dekabr kunlari yetkazib beriladi.
Eslatib o‘tamiz, 2020-yilgi “Prezident archasi” tadbirlari COVID-2019 bilan bog‘liq vaziyatni inobatga olgan holda bolalar sog‘ligini asrash maqsadida karantin talablariga qat’iy rioya etgan holda tashkil etiladi.
