Jamiyat

Oʻzbekistonda 25 ta manzil-koloniyalar bosqichma-bosqich qisqartiriladi

© Sputnik / Maksim BlinovZaklyuchennыe v kolonii
Zaklyuchennыe v kolonii - Sputnik Oʻzbekiston
Mirziyoyev tezkor qidiruv faoliyatida, tergov organlari va jazoni ijro etishda qiynoqlarning oldini olish tizimini tubdan qayta koʻrib chiqish zarurligini taʼkidladi.

TOSHKENT, 29 dek — Sputnik. Oʻzbekistonda inson huquqlari va erkinliklari himoyasi, qonun ustuvorligini taʼminlashga qaratilgan islohotlar davom ettiriladi. Bu haqda Shavkat Mirziyoyev 29 dekabr kuni Oliy Majlisga yoʻllagan murojaatnomasida taʼkidladi.

Prezidentning soʻzlariga koʻra, yangi yildan boshlab joriy etiladigan “bir sud—bir instantsiya” tamoyili sud qarorlarining adolatli, qonuniy va barqarorligini taʼminlashda bosh mezon boʻlishi lozim.

Yangi yildan boshlab fuqarolik, iqtisodiy va jinoyat ishlari boʻyicha viloyat darajasidagi 3 ta sud 1 ta sud sifatida birlashtiriladi. Sud muhokamasiga qadar sudda ishlarni dastlabki eshitish amaliyoti yangi tartib sifatida joriy etiladi. Bunda ishni toʻxtatish yoki tugatishga asos yetarli boʻlsa, sud ishni avvalgiday tergov yoki prokurorga qaytarmasdan, oʻzining yakuniy qarorini qabul qiladi.

Investorlar huquqlarini munosib himoya qilish maqsadida Oliy sudda investitsiyaviy nizolar va raqobatga oid ishlarni koʻrish boʻyicha maxsus sudlov tarkibi tashkil etildi. Endi yirik investorlar, oʻz xohishiga koʻra, nizoni hal qilish uchun toʻgʻridan-toʻgʻri Oliy sudga murojaat qilishi mumkin.

Prezident jazoni ijro etish tizimida insonparvarlik tamoyilini keng qoʻllash borasidagi ishlar davom ettirilishini maʼlum qildi. Xususan, xalqaro standartlardan kelib chiqib 25 ta manzil-koloniyalar bosqichma-bosqich qisqartiriladi.

“Bundan buyon birinchi marta ozodlikdan mahrum etilgan shaxsga berilgan jazo yengilrogʻi bilan almashtirilsa, u manzil koloniyaga oʻtkazilmasdan, probatsiya nazoratiga olinadi. Mazkur yengillik asosida hozirgi kunda jazo muddatini oʻtayotgan 6 ming nafar shaxsga oʻz mahallasi nazorati ostida oilasi bagʻrida boʻlish imkoni yaratiladi”, — dedi u.

Shu bilan birga, jazoni yengilrogʻi bilan almashtirish va shartli ozod qilish toʻgʻrisida taqdimnoma kiritish vakolati jazoni ijro etish organidan, yangi tashkil etiladigan Insonparvarlik komissiyasiga oʻtkaziladi.

Mirziyoyev tezkor qidiruv faoliyatida, tergov organlari va jazoni ijro etishda qiynoqlarning oldini olish tizimini tubdan qayta koʻrib chiqish zarurligini taʼkidladi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala